પશ્ચિમ બંગાળમાં ચૂંટણીને ઘણો સમય બાકી છે ત્યારે ભાજપ અધ્યક્ષ અને ગૃહમંત્રી રાજકીય સમીકરણોની તૈયારી કરી રહ્યા છે. શાહના પ્રવાસમાં ટીએમસીના કદાવર નેતા શુભેંદુ અધિકારીની સાથે અનેક ધારાસભ્યો ભાજપમાં સામેલ થયા. ભાજપમાં સામેલ થતાં જ નેતાનો એક વીડિયો યુટ્યુબ પરથી ડિલિટ કરાયો હતો.
ટીએમસીના શુભેંદુ અધિકારી ભાજપમાં થયા સામેલ
સ્ટિંગ વીડિયો ભાજપે કર્યો ડિલિટ
યુટ્યુબ પરથી ડિલિટ કરાયો વીડિયો
શું હતું વીડિયોમાં
2016માં એક સ્ટિંગ ઓપરેશનમાં શુભેંદુ અધિકારીએ રૂપિયાની લેનદેન વિશેની વાતચીત આ વીડિયોમાં હતી. ભાજપએ 2016માં આ વીડિયો પોતાના યૂટ્યુબ ચેનલ પર અપલોડ કર્યો હતો. આ વીડિયોમાં ભાજપમાં સામેલ થઈ ચૂકેલા મુકુલ રોટ સહિત કેટલાક ટીએમસી નેતા પણ કોઈ વ્યક્તિ સાથે અલગ અલગ જગ્યાઓએ પૈસા લેતા જોવા મળી રહ્
ટીએમસીએ શા માટે લગાવ્યો આરોપ
હવે તૃણમૂલ કોંગ્રેસના નેતાઓએ ભાજપના યુટ્યુબ પેજના આ વીડિયોને ડિલિટ કરાયા બાદ પાર્ટી પર નિશાન સાધ્યું છે. ટીએમસી સાંસદ મહુઆ મોઈત્રાએ કહ્યું કે પશ્ચિમ બંગાળમાં અમિત શાહનું કપડાં ધોવાનું જાદુઈ અભિયાન ચાલી રહ્યું છે. ભાજપમાં સામેલ થાય અને ધોયા બાદ સ્વચ્છ થઈને બહાર આવે.
સ્ટિંગ વીડિયો પર શાહે કહ્યું - આથા દેશે જોયું કે ટીએમસીના નેતાઓ ઘૂસ લે છે
ઉલ્લેખનીય છે કે આ સ્ટિંગ બાદ તૃણમૂલના અનેક પદાધિકારીઓ અને નેતાઓ પર સવાલ ઉઠી રહ્યા છે. ચોંકાવનારી વાત તો એ છે કે વીડિયો બહાર આવ્યા બાદ ગૃહમંત્રી શાહે તૃણમૂલના નેતાઓને ઘેર્યા છે અને તેમને કેમેરામાં ઘૂસ લેતા આખા દેશે જોયા છે તેમ પણ કહ્યું છે.