IPLIN
 

રાજ્યસભા ચૂંટણી / ભાજપે કોથળામાંથી બિલાડુ કાઢ્યું; ગુજરાત રાજ્યસભા માટે આ બે નેતાઓને આપી ટિકિટ

Team VTV 06:15 PM, 11 Mar 20 | Updated: 06:22 PM, 12 Mar 20
Follow us
bjp declares two candidate name for Rajya sabha election 2020

રાજ્યસભાની ચૂંટણી આંગણે આવીને ઉભી છે ત્યારે ભાજપે આજે ગુજરાતની 2 બેઠક માટે પોતાના ઉમેદવારોના નામની યાદી જાહેર કરી છે. જેમાં રાજકોટના જાણીતા ધારાશાસ્ત્રી અભય ભારદ્વાજ અને રમિલા બારાનું નામ જાહેર કર્યું હતું. 

  • રાજ્યસભા ચૂંટણી માટે ભાજપના ઉમેદવાર જાહેર
  • રાજકોટના અભય ભારદ્વાજ તથા ખેડબ્રહ્માના પૂર્વ MLA રમીલાબેન બારાનું નામ જાહેર

આપને જણાવી દઇએ કે, અભય ભારદ્વાજ રાજકોટના રહેવાસી છે તથા જનસંઘના નેતા સ્વ.ચીમનભાઇ શુક્લના ભાણેજ છે. હાલ તેઓ રાજ્યના નામાંકિત ધારાશાસ્ત્રી તરીકે ઓળખ ધરાવે છે.

તો રમીલાબેન બારા આદિવાસી સમાજમાંથી આવે છે અને તેઓ ખેડબ્રહ્માથી ધારાસભ્ય પણ રહી ચૂક્યા છે. તથા હાલ ભાજપ પ્રદેશ સંગઠનમાં ઉપાધ્યક્ષ તરીકે કાર્યરત છે. 

અભય ભારદ્વાજ તત્કાલિન મુખ્યમંત્રી નરેન્દ્ર મોદી સાથે

છેલ્લા કેટલાય વર્ષથી સૌરાષ્ટ્રના રાજકારણમાં છે સક્રિય 

સૌરાષ્ટ્રના રાજકારણમાં અભય ભારદ્વાજ છેલ્લા કેટલાય વર્ષોથી સક્રિય છે. આ સાથે જ તેઓ રાજકોટ બાર એસોસિયેશનનાં પ્રમુખ પણ રહી ચૂક્યા છે. ત્યારે આજે તેમને રાજ્યસભાના ઉમેદવાર જાહેર કરવામાં આવતા પરિવારમાં ખુશીનો માહોલ જોવા મળ્યો હતો. 

ખેડબ્રહ્માના પૂર્વ ધારાસભ્ય રમીલાબેન

અનેક નામોની ચાલી રહી હતી અટકળો 

રાજ્યસભાની ચૂંટણી જાહેર થતાંની સાથે આઇ.કે.જાડેજા, રમણલાલ વોરા, શુંભુપ્રસાદ ટુંડિયા સહિત અનેક નામોની ચર્ચાઓ ચાલી રહી હતી. ત્યારે આજરોજ ભાજપે ત્રણ બેઠક પૈકી 2 બેઠક પર પોતાના ઉમેદવારોના નામની યાદી જાહેર કરી હતી. જો કે, ત્રીજી બેઠક પર ભાજપ કોની પસંદગી કરે છે તે તો આગામી સમય જ નક્કી કરશે 

Rajyasabah Elections 2020 BJP BJP candidates list Rajya Sabha election રાજ્યસભા અભય ભારદ્વાજ
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ