એક તરફ રાજ્ય સરકાર કોરોના વિસ્ફોટને ડામવા માટે રાત્રી કર્ફ્યૂ લગાવ્યા છે. જ્યારે બીજી તરફ સુરતમાં ભાજપના નેતાઓ માસૂમ બાળકોની સાથે કાર્યક્રમો યોજી રહ્યા છે.
કોરોનાના વધતા કેસો વચ્ચે નેતાઓ બેફામ
ભાજપના કોર્પોરેટરનો બાળકો સાથે કાર્યક્રમ
વેસુમાં આંતરરાષ્ટ્રીય હેપ્પીનેશ ડેનો કાર્યક્રમ
કોરોનાની મહામારી વચ્ચે બાળકોના જીવ સાથે રમત કરતા ભાજપના નેતાનો વીડિયો સામે આવ્યો છે. કારણ કે, એક તરફ રાજ્ય સરકારે કોરોના વિસ્ફોટને ડામવા માટે રાત્રી કર્ફ્યૂ સહિતના પ્રતિબંધો લગાવ્યા છે. જ્યારે બીજી તરફ સુરતમાં ભાજપના નેતાઓ માસૂમ બાળકોની સાથે કાર્યક્રમો યોજી રહ્યા છે. બાળકોના જીવને જોખમમાં નાખી રહ્યા છે.
સી.આર પાટીલના સુરતમાં નેતાઓની બેદરકારી?
એક તરફ સુરતમાં કોરોના વિસ્ફોટની સ્થિતિ છે. સુરત કોરોનાનું હોટ સ્પોટ બની ગયું છે. તો કોર્પોરેટર કૈલાશબેન સોલંકી દ્વારા આંતરરાષ્ટ્રીય હેપ્પીનેશ ડેનો કાર્યક્રમ યોજવામાં આવ્યો હતો. જેમાં તેમણે 50 જેટલા બાળકોને ભેગા કર્યા હતા.
એટલું જ નહીં આ કાર્યક્રમમાં અનેક લોકો માસ્ક વગરના તો દેખાયા જ. પરંતુ સોશિયલ સિસ્ટન્સનું નામ સુદ્ધા ન હોતું. તાજેતમાં જ ચૂંટણીના તાયફાઓ પૂરા થયા છે. અને હાલ કોરોના વિસ્ફોટની સ્થિતિ ઉભી થઈ છે. તેની વચ્ચે બાળકોને એકત્ર કરીને આ પ્રકારના કાર્યક્રમ વિશે તો તંત્ર જ જવાબ આપી શકે છે.