સત્તા માટે સોદાબાજી / BJP-કોંગ્રેસના નેતાઓએ મિલાવી લીધા હાથ: જિલ્લા પંચાયતની ચૂંટણીમાં સત્તાના ગોઠવાયાં સોગઠાં 

• BJP-કોંગ્રેસના નેતાઓએ મિલાવી લીધા હાથ
• સત્તા મેળવવા ભાજપ-કોંગ્રેસે  હાથ મિલાવી દીધા 
• હરિયાણાની હિસાર જિલ્લા પંચાયતની ચુંટણીમાં BJPનો મોટો દાવ સફળ 

રાજકારણ શું-શું નથી કરાવતું તેનું જીવતું જાગતું ઉદાહરણ હરિયાણામાં સામે આવ્યું છે. હરિયાણાની હિસાર જિલ્લા પંચાયતમાં સત્તા મેળવવા ભાજપ-કોંગ્રેસે  હાથ મિલાવી દીધા છે. વાત જાણે એમ છે કે, શુક્રવારે હિસાર જિલ્લા પંચાયત કાર્યાલયમાં ચૂંટણી યોજાઈ હતી. આ ચૂંટણીમાં ભાજપે કોંગ્રેસ સાથે ગઠબંધન કર્યું અને સાથી પક્ષ જેજેપીને હરાવી દીધું છે. આવો જાણીએ શું બન્યું હતું હરિયાણાની હિસાર જિલ્લા પંચાયત ચૂંટણીમાં ?..... 

હરિયાણાની હિસાર જિલ્લા પંચાયતના અધ્યક્ષ અને ઉપાધ્યક્ષ પદ માટે શુક્રવારે જિલ્લા પરિષદ કાર્યાલયમાં ચૂંટણી યોજાઈ હતી. આ ચૂંટણીમાં ભાજપે કોંગ્રેસ સાથે ગઠબંધન કર્યું જેથી સાથી પક્ષ જેજેપીને હારનો સામનો કરવો પડ્યો. ચેરમેનની ચૂંટણી માટે ભાજપ અને જેજેપી સમર્થિત કાઉન્સિલરો વચ્ચે જંગ જામ્યો હતો. 30 જિલ્લા કાઉન્સિલરોમાંથી જેજેપીને 18 જિલ્લા કાઉન્સિલરોનું સમર્થન હતું.  જ્યારે કોંગ્રેસ પાસે ચાર જિલ્લા કાઉન્સિલરો હતા પરંતુ તેમના હાથમાં ઉપાધ્યક્ષનું પદ મળ્યું હતું. ભાજપને 18 જિલ્લા કાઉન્સિલરોનું સમર્થન હતું. બંને પક્ષના સંપર્કમાં છથી સાત કાઉન્સિલરો હતા. જેઓ બંને પક્ષના સમર્થનની વાત કરતા હતા. ભાજપને ડર હતો કે, તેમની સાથી જેજેપી આ ચૂંટણીમાં તેમની રમત બગાડી શકે છે. તેથી જ ભાજપ તેની અગાઉથી તૈયારી કરીને આવ્યું છે.

ભાજપે પાડી દીધો મોટો ખેલ 
ભાજપ સમર્થિત કાઉન્સિલર સોનુ કુમાર વોર્ડ નંબર-22માંથી ચેરમેન તરીકે ચૂંટાયા હતા. તેમણે વોર્ડ નંબર-12ના તેમના હરીફ JJP સમર્થિત સુનિલ કુમારને બે મતથી હરાવ્યા હતા. સોનુને 16 વોટ અને સુનીલ કુમારને 14 વોટ મળ્યા. બીજી તરફ કોંગ્રેસ સમર્થિત વોર્ડ નંબર-21 કાઉન્સિલર રીના કે જેમની પાસે માત્ર 4 કાઉન્સિલર છે તેઓ ઉપપ્રમુખ પદ માટે ચૂંટાયા હતા. તેમણે વોર્ડ નંબર-17માંથી તેમના હરીફ મોહિતને પણ બે મતથી હરાવ્યા હતા. રીનાને 16 અને મોહિતને 14 વોટ મળ્યા. કહેવામાં આવી રહ્યું છે કે, રણજીત સિંહે ચૂંટણીના ગણિતમાં મહત્વની ભૂમિકા ભજવી હતી. ચૂંટણી પહેલા પૂર્વ સીએમ ભૂપિન્દર સિંહ હુડ્ડાએ ઉર્જા મંત્રી સાથે મળીને રણનીતિ નક્કી કરી હતી.

हिसार जिला परिषद के नवनिर्वाचित अध्यक्ष श्री सोनू सिहाग डाटा व उपाध्यक्ष श्रीमती रीना बधावड जी को हार्दिक बधाई एवं शुभकामनाएं।मुझे पूर्ण विश्वास है कि आप पूरी निष्ठा एवं ईमानदारी से अपने नव दायित्व का निर्वहन करेंगे।
जय भाजपा तय भाजपा@BJP4Haryana @BJP4India @AmitShah @JPNadda pic.twitter.com/qPHC9bA910

— Captain Abhimanyu (@CaptAbhimanyu) January 20, 2023

દિગ્ગજો ઉતર્યા હતા મેદાનમાં 
હિસારની જિલ્લા પંચાયતની ચૂંટણી એટલી મહત્વની હતી કેમ ડેપ્યુટી સીએમ દુષ્યંત ચૌટાલા, પૂર્વ નાણામંત્રી કેપ્ટન અભિમન્યુ અને પાવર મિનિસ્ટર રણજીત ચૌટાલા તેમાં સંપૂર્ણ રીતે સક્રિય હતા. કેપ્ટન અભિમન્યુ પોતે ચૂંટણીના અધવચ્ચે જ જિલ્લા પંચાયત કાર્યાલય પર પહોંચી ગયા હતા. ઉર્જા મંત્રીના સલાહકાર સંદીપ યાદવે કોંગ્રેસના કાઉન્સિલરો અને ભાજપ વચ્ચે સંકલન સાધ્યું અને ક્ષણે ક્ષણે ઉર્જા મંત્રીને માહિતી આપતા રહ્યા. બીજી તરફ જેજેપી તરફથી મંત્રી અનૂપ ધાનક પોતે મોરચો સંભાળી રહ્યા હતા. દુષ્યંતના નજીકના તેમના પીએ સતીશ બેનીવાલ ડેપ્યુટી સીએમને ક્ષણ-ક્ષણ માહિતી આપતા હતા. મંત્રી અનૂપ ધાનક ક્ષણભર માટે જીતનો દાવો કરી રહ્યા હતા, પરંતુ હાર બાદ તેઓ મીડિયા સાથે વાત કર્યા વિના સીધા બસમાં બેસી ગયા હતા.

મહત્વનું છે કે, અધિક ડેપ્યુટી કમિશનર નીરજ કુમારની દેખરેખ હેઠળ ચૂંટણી પ્રક્રિયા પૂર્ણ થઈ હતી. તેમણે નવા ચૂંટાયેલા પ્રમુખ અને ઉપપ્રમુખને પ્રમાણપત્રોનું વિતરણ કર્યું હતું. આ પહેલા રાજ્યમંત્રી અનુપ ધાનક, જેજેપી જિલ્લા અધ્યક્ષ રમેશ ગોદારા, અધ્યક્ષ રાજેન્દ્ર લિતાણી કાઉન્સિલરો સાથે બસમાં પહોંચ્યા હતા.  જેજેપીના નેતાઓએ 17 કાઉન્સિલરોના સમર્થનનો દાવો કર્યો અને કહ્યું કે અધ્યક્ષ અમારો જ રહેશે. થોડા સમય પછી, ડેપ્યુટી સ્પીકર રણબીર ગંગવા, ધારાસભ્ય વિનોદ ભાયાના, બીજેપી જિલ્લા અધ્યક્ષ કેપ્ટન ભૂપેન્દ્ર અને ઉપાધ્યક્ષ અજય સિંધુ પણ ભાજપ સમર્થિત કોર્પોરેટરોને લઈને બસમાં પહોંચ્યા.
 
જિલ્લા પંચાયતમાં કુલ 30 કાઉન્સિલરો
ભાજપના નેતાઓએ દાવો કર્યો હતો કે, ભાજપ પાસે ચેરમેનના સમર્થનમાં 18 કાઉન્સિલરો છે અને ચેરમેન તેઓ જ બનાવશે. જિલ્લા પંચાયતના અધ્યક્ષ અને ઉપાધ્યક્ષના પદોની ચૂંટણી માટેની પ્રથમ બેઠક 22 ડિસેમ્બરે યોજાઈ હતી. આ દરમિયાન એક પણ કાઉન્સિલર ચૂંટણીમાં ભાગ લેવા આવ્યો ન હતો. ADC નીરજે કોરમના અભાવે બેઠક રદ કરી હતી. જિલ્લા પરિષદમાં કુલ 30 કાઉન્સિલરો છે. ભાજપના જિલ્લા અધ્યક્ષ કેપ્ટન ભૂપેન્દ્ર વીરચક્રએ હિસાર જિલ્લા પરિષદની ચૂંટણીમાં અધ્યક્ષ અને ઉપાધ્યક્ષના પદ પર ભાજપ સમર્થિત ઉમેદવારોની જીત પર ખુશી વ્યક્ત કરી છે. તેમણે બંને ચૂંટાયેલા પદાધિકારીઓને અભિનંદન આપતાં જણાવ્યું હતું કે આનાથી વિકાસના કામોને વેગ મળશે.