ગુજરાતની બાકી રહેલી 7 બેઠકોનાં ઉમેદવારોની જાહેરાતને લઇ ભાજપ અસમંજસમાં

ભાજપ દ્વારા અમિત શાહની અધ્યક્ષતામાં એક બેઠકનું આયોજન કરવામાં આવ્યું હતું. ત્યારે આ બેઠકમાં બાકી રહેલી 7 બેઠકોનાં ઉમેદવારોનાં નામ પર અંતિમ મહોર લગાવી હોવાંની શક્યતા છે અને હવે બાકી રહેલાં ઉમેદવારોનાં નામની જાહેરાત કરાશે.



મહત્વનું છે કે, ભાજપ દ્વારા ગુજરાતની 26 બેઠકોમાંથી અત્યાર સુધી કુલ 19 બેઠકોનાં ઉમેદવારોની જાહેરાત કરવામાં આવી છે. જ્યારે 7 બેઠકોનાં ઉમેદવારોનાં નામને લઈને ભાજપ હજી અસમંજસમાં છે. આ 7 બેઠકોમાં પાટણ, મહેસાણા, અમદાવાદ પૂર્વ તેમજ સુરત, જૂનાગઢ, છોટા ઉદેપુર અને આણંદનો સમાવેશ થાય છે.

મળતી માહિતી મુજબ પાટણ બેઠક પરથી હાઇકમાન્ડે દિલીપ ઠાકોરનું નામ નક્કી કર્યું છે. તો મહેસાણા બેઠક પરથી જીવાભાઇ પટેલ અને રજની પટેલનું નામ ચર્ચામાં છે. જ્યારે સુરત બેઠક પરથી નીતિન ભજીયાવાલા અને મહેશ સવાણીનું તેમજ અમદાવાદ પૂર્વમાંથી સી.કે.પટેલ અને હરિન પાઠકનાં નામ પર ચર્ચા કરવામાં આવી રહી હોવાની શક્યતા છે.

તો જૂનાગઢ બેઠક પરથી રાજેશ ચુડાસમાને રિપિટ કરાય તેવી પણ શક્યતા સેવાઈ રહી છે. છોટા ઉદેપુરમાં જશુ રાઠવા અને જયંતિ રાઠવાનાં નામની અટકળો ચાલી રહી છે. જ્યારે આણંદ બેઠક પરથી દિલીપ પટેલ અને દિપક પટેલનાં નામ પર ચર્ચા કરવામાં આવી રહી હોવાંની શક્યતા છે.




ઉલ્લેખનીય છે કે ભાજપે અત્યાર સુધીમાં કુલ 19 ઉમેદવારોનાં નામોની જાહેરાત કરી છે. જેમાંથી પહેલાં 1 ઉમેદવારની યાદી અગાઉ જાહેર કરી હતી ને બાદમાં કુલ 15 ઉમેદવાર અને પછી 3 ઉમેદવારો એમ કુલ 19 ઉમેદવારોની યાદી જાહેર કરી હતી. ત્યારે ભાજપે અત્યાર સુધીમાં જાહેર કરેલ કુલ 19 ઉમેદવારોની યાદી નીચે મુજબ છેઃ


ભાજપનાં ગુજરાતનાં 19 ઉમેદવારોનાં નામોની બીજી યાદી જાહેરઃ
 
ગાંધીનગર- અમિત શાહ
કચ્છ (SC) - વિનોદ ચાવડા
સાબરકાંઠા - દિપસિંહ રાઠોડ
અમદાવાદ વેસ્ટ (SC) - ડૉ. કિરીટ સોલંકી
સુરેન્દ્રનગર - ડો. મહેન્દ્ર મુંજપરા
રાજકોટ - મોહન કુંડારિયા
જામનગર - પૂનમ માડમ
અમરેલી - નારણ કાછડિયા
ભાવનગર - ભારતી શિયાળ
ખેડા - દેવુસિંહ ચૌહાણ
દાહોદ (ST) - જશવંત ભાભોર
વડોદરા - રંજન ભટ્ટ
ભરૂચ - મનસુખ વસાવા
બારડોલી (ST) - પ્રભુ વસાવા
નવસારી - સી.આર પાટીલ
વલસાડ (ST) - કે. સી. પટેલ
પોરબંદર- રમેશ ધડૂક
બનાસકાંઠા- પરબત પટેલ
પંચમહાલ- રતનસિંહ રાઠોડ

ગુજરાતની વિધાનસભાની પેટા-ચૂંટણીનાં ઉમેદવારોઃ

ધ્રાંગધ્રા - પરસોત્તમ સાબરિયા
જામનગર ગ્રામ્ય - રાઘવજી પટેલ
માણાવદર - જવાહર ચાવડા