નિમણૂંક / BJPએ UP, મહારાષ્ટ્ર અને મુંબઇના બદલ્યા અધ્યક્ષ; આમને આપી જવાબદારી

મુંબઇમાં મંગલ પ્રભાત લોઢાને પાર્ટીના અધ્યક્ષની જવાબદારી સોંપવામાં આવી છે. બીજેપીના ઉત્તરપ્રદેશમાં પાર્ટી અધ્યક્ષ બદલી દેવામાં આવ્યા છે. પાર્ટીએ સ્વતંત્ર દેવ સિંહને યૂપીની કમાન સોંપવામાં આવી છે. સ્વંતંત્ર દેવ સિંહને ત્વરિત પ્રભાવથી પાર્ટીના રાજ્યના અધ્યક્ષ નિયુક્ત કરવામાં આવ્યા છે. બીજેપીએ મંગળવારે તેની જાહેરાત કરી. 

સ્વતંત્ર દેવ સિંહ પહેલા મહેન્દ્રનાથ પાન્ડે યૂપીમાં બીજેપીના પ્રદેશ અધ્યક્ષ હતા. મહેન્દ્ર પાન્ડેના કેન્દ્રમાં મંત્રી બની જવાથી તેમની જગ્યાએ નવા અધ્યક્ષની નિયુક્તિ અંગેની સંભાવના દર્શાવાઇ રહી હતી. બીજેપીની નીતિના અનુસાર એક વ્ચક્તિ એક જ પદ પર રહી શકે છે. જોકે, સ્વતંત્ર દેવ સિંહ પણ યૂપી સરકારના મંત્રી છે. 

Swatantra Dev Singh appointed as President of Uttar Pradesh Bharatiya Janata Party. pic.twitter.com/PqUNssh9Hs

— ANI UP (@ANINewsUP) July 16, 2019

બીજેપીના ઉત્તરપ્રદેશ ઉપરાંત મહારાષ્ટ્ર અને મુંબઇના અધ્યક્ષ પણ બદલી દેવાયા છે. બીજેપીના મહારાષ્ટ્ર એકમના અધ્યક્ષ રાવસાહેબ દાનવે પાટિલની જગ્યાએ ચંદ્રકાંત પાટિલે લીધી છે. રાહ સાહેબ દાનવે પાટિલના કેન્દ્ર સરકારમાં મંત્રી બન્યા બાદ પાર્ટીએ તેમની જગ્યાએ ચંદ્રકાંત પાટિલને નિયુક્ત કર્યા છે. 

Chandrakant Patil appointed as the President of Bharatiya Janata Party (BJP), Maharashtra. pic.twitter.com/Qoa8R3VBqX

— ANI (@ANI) July 16, 2019

બીજી તરફ બીજેપીની મુંબઇ એકમના અધ્યક્ષ પદની જવાબદારી મંગળ પ્રભાત લોઢાને સોંપવામાં આવી છે. મુંબઇમાં અત્યાર સુધી પાર્ટીના અધ્યક્ષ આશીષ શેલાર હતા. તેમને રાજ્યના મંત્રીમંડળમાં સામેલ કરવાને કારણે તેમની જગ્યાએ લોઢાને અધ્યક્ષ બનાવાયા છે. મહારાષ્ટ્રમાં આ વર્ષે વિધાનસભા ચૂંટણી યોજાવાની છે. તેથી પાર્ટીમાં સંગઠન સ્તર પર બદલાવ કરવામાં આવ્યો છે. 

બીજેપીના રાષ્ટ્રીય મહાસચિવ અને પાર્ટીના મુખ્યાલય પ્રભારી અરુણ સિંહે એક પ્રેસ નોટ જાહેર કરી નિયુક્તિઓ વિશે જાણકારી આપી. નિયુક્તિઓ બીજેપી અધ્યક્ષ અમિત શાહે કરી છે.