પાંચ રાજ્યોમાં યોજાનારી વિધાનસભાની ચૂંટણી માટે પાર્ટી સમયાંતરે ઉમેદવારોના નામની જાહેરાત કરશે. માનવામાં આવી રહ્યું છે કે પશ્ચિમ બંગાળના ઉમેદવારોના નામની જાહેરાત 7 માર્ચ પછી કરવામાં આવશે.
ભાજપ CECની મિટિંગ મળી હતી
આસામ માટે NDA ની ફોર્મ્યુલા નક્કી કરવામાં આવી
ભાજપ ૯૨, AGP 26 અને UPPL ૮ સીટો પર લડશે ચૂંટણી
ભાજપ કેન્દ્રિય ચૂંટણી સમિતિની બેઠક શુક્રવારે ફરી યોજાશે. ગુરુવારે આ બેઠક મોડી રાત સુધી ચાલી હતી. શુક્રવારે ભાજપ કેન્દ્રીય ચૂંટણી સમિતિની બેઠકનો બીજો દિવસ છે. આજની બેઠકમાં પુડુચેરી, તમિલનાડુ, કારેલ ઉપરાંત આસામ અને પશ્ચિમ બંગાળની બાકીની બેઠકો પર ઉમેદવારોના નામની ચર્ચા કરવામાં આવશે. પશ્ચિમ બંગાળના 60 ઉમેદવારોના નામ નક્કી કરવામાં આવ્યા છે. તેવી જ રીતે, આસામ ગણ પરિષદ સાથે ભાજપનું જોડાણ આસામમાં નક્કી કરવામાં આવ્યું છે અહીં NDA દ્વારા બેઠકોની વહેંચણી કરી લેવામાં આવી છે.
આસામમાં ભાજપ AGP અને UPPL સાથે જોડાણ ધરાવે છે
આસામમાં ભાજપના વડપણ હેઠળનું NDA આસામ ગણ પરિષદ અને યુનાઈટેડ પીપલ્સ પાર્ટી (લિબરલ) સાથે જોડાણ ધરાવે છે, આસામમાં હાલમાં ભાજપની જ સર્વાનન્દ સોનોવાલના નેતૃત્વ વાળી સરકાર છે, ફોર્મ્યુલા પ્રમાણે ભાજપ ૧૨૬ સીટો ધરાવતી વિધાનસભા માટે ૯૨, AGP ૨૬ અને UPPL ૮ સીટો પર ઉમેદવારો ઉતારશે. પાર્ટી સમયાંતરે ઉમેદવારોના નામની ઘોષણા કરશે.
જો કે માનવામાં આવી રહ્યું છે કે પશ્ચિમ બંગાળના ઉમેદવારોના નામ 7 માર્ચે કોલકાતામાં વડા પ્રધાનની રેલી બાદ કરવામાં આવશે. ગુરુવારે આ મિટિંગ સાંજના છ વાગ્યે શરૂ થઈ હતી. આ પહેલા જેપી નડ્ડાના નિવાસ સ્થાને ભાજપની મુખ્ય સમૂહ બેઠક યોજાઈ શકે છે.પ્રથમ દિવસની બેઠક પછી, તે એટલું સ્પષ્ટ થઈ ગયું છે કે ભાજપ નંદીગ્રામથી શુભેન્દુ અધિકારીને મેદાનમાં ઉતારશે. જ્યારે દિલીપ ઘોષની ઉમેદવારી અંગેનો નિર્ણય લેવાનો બાકી છે. સૂત્રોએ જણાવ્યું હતું કે ટીએમસીના ભાજપમાં સામલે થયેલા ૨ MLAને ટિકિટ નહીં મળે, તે સિવાય બધાને ટિકિટ આપી શકાય છે.
તમિલનાડુ, પુડુચેરી, કેરળ અને બંગાળ માટે થઈ શકે છે વાતચીત
બીજી બાજુ તામિલનાડુમાં પણ પાર્ટી AIADMK સાથે સીટ શેરિંગની બાબતે આગળ વધી રહી છે, કેરળમાં ભાજપ તરફથી પહેલા મેટ્રોમેન ઇ શ્રીધરનને CM ઉમેદવાર જાહેર કરવામાં આવ્યા હતા, જો કે ભાજપના કેન્દ્રીય મંત્રીના નિવેદનમાં અવઢવ પછી આ મામલે હજુ સસ્પેન્સ યથાવત છે.