ભાજપ આજે પોતાના ઉમેદવારોની યાદી જાહેર કરી શકે છે. ભાજપ આજે લોકસભા ચૂંટણી માટે પોતાના ઉમેદવારોના નામોની યાદી જાહેર કરી શકે છે. ભાજપ ચૂંટણી માટે પોતાના 250થી પણ વધુ ઉમેદવારોના નામની યાદી જાહેર કરી શકે છે.
જેમાં યૂપીની લગભગ 35, બિહારની તમામ 17, મહારાષ્ટ્રની 21, ઓરિસ્સા, ઝારખંડ, છત્તીસગઢની 5, કર્ણાટક, જમ્મૂ-કશ્મીરની તમામ 6, રાજસ્થાન, બંગાળની લગભગ 27, કેરળ, તામિલનાડુ, આસામ, ત્રિપુરા, તેલંગાણા, અરૂણાચલ પ્રદેશ, ઉત્તરાખંડની તમામ બેઠકો પર ઉમેદવારોના નામની જાહેરાત કરી શકે છે.
ગઈ મોડી રાતે ભાજપની કેન્દ્રીય ચૂંટણી સમિતિની બેઠક યોજાઈ હતી. જેમાં આ નિર્ણય લેવામાં આવ્યો છે. યૂપી સિવાય બંગાળના ઉમેદવારોની યાદી પણ ફાઈનલ થઈ છે. બંગાળની 42 લોકસભા સીટોમાંથી 27 સીટો પર ઉમેદવારોના નામ ફાઈનલ થઈ ચૂક્યા છે. આસનસોલથી બાબુલ સુપ્રિયો, ટીએમસીમાંથી આવેલા સૌમિત્ર ખાન અને અનુપમ ડાજરાને પાર્ટીએ ટિકિટ આપી છે.
દાર્જલિંગથી એસ.એસ.અહલુવાલિયાના નામ પર અંતિમ મહોર લગાવવાનો નિર્ણય પાર્ટીના આલાકમાન દ્વારા કરવામાં આવશે. જો કે આવતીકાલે પણ કેન્દ્રીય ચૂંટણી સમિતિની બેઠક યોજાશે. જેમાં યૂપીની 40 લોકસભા સીટો પર ઉમેદવારોના નામની યાદીની ચર્ચા વિચારણા હાથ ધરાશે. ત્યાર બાદમાં નામની યાદી જાહેર કરવામાં આવશે. છત્તીસગઢની 11 લોકસભા સીટો પરથી 5 સીટો પર ઉમેદવારોના નામ નક્કી થઈ ચૂક્યા છે. છત્તીસગઠની બાકી રહેલી સીટો પર આવતીકાલે બેઠકમાં નિર્ણય લેવાશે.