ફેસલો ગુજરાતનો / ગુજરાત ચૂંટણી પરિણામમાં મેજર અપસેટ: 1990થી સતત જીતતા આ દિગ્ગજ નેતાનો પરાજય

• ઝઘડિયામાં ભાજપ ઉમેદવાર રિતેશ વસાવાની જીત
• ચતુષ્કોણીય જંગમાં રિતેશ વસાવાની જીત
• રિતેશ વસાવાને લગભગ 89500 વોટ મળ્યા 

ઝઘડિયા બેઠક પર ભાજપ ઉમેદવાર રિતેશ વસાવાની જીત થઈ છે. રિતેશ વસાવાને લગભગ 89500 વોટ મળ્યા છે જ્યારે અપક્ષ ઉમેદાવર છોટું વસાવાને 66000 વોટ મળ્યા છે. ભારતીય ટ્રાઇબલ પાર્ટી (BTP)ના સ્થાપક છોટુ વસાવાએ આ વખતે અપક્ષ ઉમેદવારી નોંધાવતા ઝઘડિયા બેઠક પર આ વખતે ચોપાંખિયો જંગ જામ્યો હતો ભાજપે આ બેઠક પર  રિતેશ વસાવાને ટિકિટ આપી હતી. તો કોંગ્રેસે ફતેસિંહ વસાવા અને આમ આદમી પાર્ટીએ ઉર્મિલા ભગતને ચૂંટણીના મેંદાનમાં ઉતાર્યા હતા.  

હેડલાઈન્સમાં રહી ઝઘડિયા બેઠક
ગુજરાત વિધાનસભાની ચૂંટણીમાં વખેત ઝઘડિયા બેઠક હેડલાઈન્સમાં રહી હતી. આ બેઠક પર ચૂંટણી પહેલા વસાવા પરિવારમાંથી ટિકિટને લઈને કકળાટ સામે આવ્યો હતો. મહેશ વસવાએ તેમના પિતા છોટુ વસાવા સામે મોરચો માંડ્યો હતો. બીટીપી પાર્ટીના અધ્યક્ષ મહેશ વસાવાએ પિતાના બદલે ઝઘડિયા સીટ પર પોતાનું નામ જાહેર કરી દેતા વિવાદ સર્જાયો હતો. જે બાદ છોટુ વસાવાએ આ બેઠક પરથી છોટુ વસાવાએ અપક્ષ ઉમેદવારી નોંધાવી હતી. જોકે, બાદમાં ઝઘડિયા બેઠક પરથી BTP ઉમેદવાર મહેશ વસાવાએ ફોર્મ પાછું ખેંચી લીધું હતું.

ટિકિટને લઈને સામે આવ્યો હતો કકળાટ 
ગુજરાતના રાજકારણમાં ભાગ્યે જ કોઈ એવું હશે જે છોટુભાઈ વસાવાને નહીં ઓળખતું હોય. ગુજરાતના રાજકારણની વાત આવે ત્યારે છોટુ વસાવાનું નામ ન આવે એવું બંને જ નહીં. છેલ્લા લગભગ ચાર દાયકાથી ઝઘડિયા બેઠક અને છોટુ વસાવાનો નાતો જોડાયેલો રહ્યો છે. આ વખતે વસાવાના પરિવારમાંથી ટિકિટને લઈને કકળાટ સામે આવ્યો હતો. મહેશ વસવાએ તેમના પિતા છોટુ વસાવા સામે મોરચો માંડ્યો હતો  બીટીપી પાર્ટીના અધ્યક્ષ મહેશ વસાવાએ પિતાના બદલે ઝઘડિયા સીટ પર પોતાનું નામ જાહેર કરી દેતા છોટુ વસાવાએ અપક્ષ ઉમેદવારી નોંધાવી હતી.

ભાજપ એક પણ વખત જીત્યું નથી
આ બેઠક પર હજુ સુધી એક પણ વખત ભાજપના ઉમેદવાર આ બેઠક પર જીત્યા નથી. ભારતીય ટ્રાઇબલ પાર્ટી (BTP)ના સ્થાપક અને ભરૂચ જિલ્લાની ઝઘડિયા બેઠક પરથી 6 વખત ધારાસભ્ય રહી ચૂકેલા છોટુ વસાવાને ગરીબોના મસીહા કહેવામાં આવે છે. આદિવાસીઓના હક માટે લડાઈ લડતા છોટુ વસાવા ગુજરાતની 15 ટકા આદિવાસી વોટ બેન્ક પર પકડ ધરાવે છે. અહીં સૌથી વધારે આદિવાસી મતદારો છે.

ઝઘડિયા બેઠક પર મતદારો
કુલ મતદારો - 2,58,751
પુરુષ મતદારો - 1,31,341
મહિલા મતદારો - 1,27, 403
અન્ય - 7