ભારતીય જનતા પાર્ટીએ મોડી રાત્રે હરિયાણાની 12 બેઠકો પર ઉમેદવારોના નામની જાહેરાત કરી છે. આ સાથે બીજેપીએ હરિયાણાની તમામ 90 બેઠકો પર ઉમેદવારોનું લિસ્ટ જાહેર કર્યું છે. જ્યારે મહારાષ્ટ્રની 14 બેઠકો પર ઉમેદવારોના નામનું એલાન કર્યું છે. મહારાષ્ટ્ર માટે જાહેર બીજેપીના આ લિસ્ટમાં એકનાથ ખડસેનું નામ નથી.
ભાજપે હરિયાણાની 12 બેઠકો પર ઉમેદવારોના નામની જાહેરાત કરી
મહારાષ્ટ્રની 14 બેઠકો પર ઉમેદવારોના નામનું એલાન કર્યું
બીજેપીના આ લિસ્ટમાં એકનાથ ખડસેનું નામ નહીં
મહારાષ્ટ્ર માટે બીજેપીએ ઉમેદવારોના બીજા લિસ્ટમાં 14 ઉમેદવારોના નામની જાહેરાત કરી છે. પાર્ટી પહેલા જ 139 ઉમેદવારોના નામની જાહેરાત કરી ચૂકી છે. બીજેપીના આ લિસ્ટમાં પાર્ટીના કદ્દાવર નેતા એકનાથ ખડસે, વિનોદ તાવડે, અને પ્રકાશ મેહતાનું નામ નથી.
ક્યાંથી લડશે ફડણવીસ?
મુખ્યમંત્રી દેવેન્દ્ર ફડણવીસને એકવાર ફરી નાગપુર સાઉથ વેસ્ટ બેઠકથી મેદાનમાં ઉતાર્યા છે. બે દિવસ પહેલા જ ભાજપે હરિયાણામાં ઉમેદવારોનું લિસ્ટ જાહેર કર્યું હતું. ભાજપ પ્રદેશ પ્રમુખ ચંદ્રકાંત દાદા પાટિલ કોથરૂડથી ચૂંટણી લડશે. જ્યારે અન્ય લોકોમાં મનોહર ભદાને ગ્રામીણ ધૂલે અને ભાજપ મંત્રી પંકજા મુંડે પરલીથી મેદાનમાં છે.
શિવસેના કેટલી બેઠકો પર લડશે ચૂંટણી?
શિવસેનાએ પણ 124 વિધાનસભા બેઠકો પર ઉમેદાવારોના નામનું લિસ્ટ જાહેર કર્યું છે. આ ઉપરાંત શિવસેનાને ભાજપના કોટાથી વિધાન પરિષદ બેઠક આપવામાં આવશે. રવિવારે થયેલ ભાજપની કેન્દ્રીય ચુંટણી સમિતિની બેઠકમાં વડાપ્રધાન નરેન્દ્ર મોદી, પાર્ટી અધ્યક્ષ અમિત શાહ, કાર્યકારી અધ્યક્ષ જે.પી.નડ્ડા, રાજનાથ સિંહ, નીતિન ગડકરી જેવા નેતા હાજર રહ્યા.
હરિયાણામાં કોના વિરુદ્ધ લડશે ખટ્ટર?
સીમા સુરક્ષા દળ (BSF)ના સસ્પેન્ડ જવાન તેજ બહાદુર યાદવ 21 ઓક્ટોબરે યોજાનારી વિધાનસભા ચૂંટણીમાં હરિયાણાના મુખ્યમત્રી મનોહર લાલ ખટ્ટર વિરુદ્ધ ચૂંટણી લડશે. યાદવે 2019ની લોકસભા ચૂંટણીમાં વડાપ્રધાન નરેન્દ્ર મોદી વિરુદ્ધ વારાણસીથી નામાંકન ભર્યું હતું. જેને અંતિમ સમયમાં ફગાવી દેવાયું હતું. એમને સોમવારે હરિયાણાના મુખ્યમંત્રી વિરુદ્ધ વિધાનસભાની ચૂંટણી લડવાનું એલાન કર્યું.