લિસ્ટ / ઉત્તરપ્રદેશ સહિત 17 રાજ્યોની પેટાચૂંટણી માટે BJPએ જાહેર કર્યુ ઉમેદવારોનું લિસ્ટ

• 17 રાજ્યોની વિધાનસભા બેઠકો, એક કેન્દ્ર શાસિત પ્રદેશ પર પેટાચૂંટણી યોજાશે
• દિલ્હીમાં આજે બીજેપીની કેન્દ્રીય ચૂંટણી સમિતિની બેઠક
• ઉત્તરપ્રદેશની 11 બેઠકો પર ચૂંટણી યોગી સરકાર માટે મહત્વપૂર્ણ

ચૂંટણી આયોગે કર્ણાટકમાં 15 બેઠકો, ઉત્તર પ્રદેશમાં 11 બેઠકો, કેરળ અને બિહારમાં પાંચ-પાંચ બેઠકો, ગુજરાત, આસામ અને પંજાબમાં ચાર-ચાર બેઠકો, સિક્કિમમાં ત્રણ બેઠકો, હિમાચલ પ્રદેશ, તમિલનાડુ અને રાજસ્થાનમાં બે-બે બેઠકો અને અરુણાચલ પ્રદેશ અને તેલંગાણા, મધ્યપ્રદેશ, મેઘાલય, ઓરિસ્સા અને પુડુચેરીમાં એક-એક બેઠક માટે વિધાનસભા પેટાચૂંટણીની જાહેરાત કરાઇ છે. પેટા ચૂંટણીના પરિણામ 24 ઓક્ટોબરે આવશે. 

બીજેપી ઉમેદવારોની સૂચી

દિલ્હીમાં આજે બીજેપીની કેન્દ્રીય ચૂંટણી સમિતિની બેઠક છે. જેમા હરિયાણા અને મહારાષ્ટ્ર વિધાનસભા ચૂંટણીના એજન્ડામાં છે. બીજેપી મહારાષ્ટ્ર માટે પહેલી સૂચી જાહેર કરી શકે છે. બેઠકમાં વડાપ્રધાન નરેન્દ્ર મોદી, પાર્ટી અધ્યક્ષ અમિત શાહ, કાર્યકારી અધ્યક્ષ જેપી નડ્ડા સહિત અન્ય વરિષ્ઠ નેતા ભાગ લેશે. 

બેઠકમાં મહારાષ્ટ્રના મુખ્યમંત્રી દેવેન્દ્ર ફડણવીસ, હરિયાણાના મુખ્યમંત્રી મનોહર લાલ ખટ્ટર, બંને રાજ્યોના પ્રભારી અને પ્રદેશોના અધ્યક્ષ પણ ભાગ લઇ રહ્યા છે. ઉત્તરપ્રદેશની 11 બેઠકો પર ચૂંટણી ઘણી મહત્વપૂર્ણ છે કેમકે તે 2022માં આવી રહેલી વિધાનસભા ચૂંટણી પહેલા યોગી સરકાર માટે લિટમસ ટેસ્ટ બની રહેશે.