રાજ્યસભાની ચૂંટણી માટે આજે 4 રાજ્યોની 16 સીટો પર મતદાન થયું હતું, જેમાં આજે પરિણામ આવવાના હતા, જો કે બે રાજ્ય કર્ણાટક અને રાજસ્થાનના પરિણામ આવી ચુક્યા છે, જ્યારે હરિયાણા અને મહારાષ્ટ્રમાં કોકડૂ ગૂંચવાયું છે.
રાજ્યસભાની ચૂંટણીના પરિણામ આવ્યા
રાજસ્થાન અને કર્ણાટકના પરિણામ આવી ગયા
મહારાષ્ટ્ર અને હરિયાણામાં કોકડુ ગુંચવાયું
કર્ણાટક રાજ્યસભા ચૂંટણી 2022ના પરિણામો જાહેર થઈ ગયા છે. રાજ્યસભાની 4 બેઠકો પર ચૂંટણી યોજાઈ હતી, જેમાંથી ભાજપે 3 જ્યારે કોંગ્રેસે એક બેઠક પર જીત નોંધાવી છે. નિર્મલા સીતારમણ, અભિનેતા જિગ્ગેશ અને લહરસિંહ સિરોયા ભાજપમાંથી જીત્યા છે, જ્યારે જયરામ રમેશે કોંગ્રેસમાંથી જીત મેળવી છે. આ સિવાય પૂર્વ પીએમ એચડી દેવગૌડાની જેડી(એસ) તરફથી ડી કુપેન્દ્ર રેડ્ડીને મેદાનમાં ઉતારવામાં આવ્યા હતા, પરંતુ તેમને સફળતા મળી ન હતી.
#RajyaSabhaElection2022 | BJP candidates FM Nirmala Sitharaman, actor-politician Jaggesh & MLC Lehar Singh Siroya (in pic 1) and Congress candidate Jairam Ramesh (pic 2 - file pic) win.
JD(S) draws a blank, it had fielded D Kupendra Reddy (in pic 3 - file photo) from the state. pic.twitter.com/fKXIGEcSsW
રાજસ્થાનમાં શુક્રવારે રાજ્યસભાના મતદાનમાં કોંગ્રેસ પાર્ટીએ જીત મેળવી છે. કોંગ્રેસે ત્રણ બેઠકો કબજે કરી હતી, જ્યારે ભાજપને માત્ર એક બેઠક મળી હતી. રાજસ્થાનની એક સીટ પર કોકડુ ગુંચવાયું હતું. જેના પર સુભાષ ચંદ્રાએ ઉમેદવારી નોંધાવી હતી. ચંદ્રાના આગમન સાથે જ રાજસ્થાનની આ બેઠક પરની સ્પર્ધા ખૂબ જ રસપ્રદ બની ગઈ હતી. ચંદ્રા તરફથી પણ સતત જીતનો દાવો કરવામાં આવતો હતો. જો કે ચંદ્રાનો આ દાવો પોકળ સાબિત થયો અને કોંગ્રેસ પાર્ટીએ આ સીટ પોતાના નામે કરી લીધી હતી.
મહારાષ્ટ્ર અને હરિયાણામાં રાજ્યસભાની ચૂંટણીની મતગણતરી શુક્રવારે નિયમોના કથિત ઉલ્લંઘનને લઈને મોડૂ થઈ રહ્યું છે. સત્તાધારી મહા વિકાસ અઘાડી (MVA) ના ત્રણ ધારાસભ્યો - કેબિનેટ મંત્રીઓ - જિતેન્દ્ર આવ્હાડ (NCP), યશોમતી ઠાકુર (કોંગ્રેસ) અને શિવસેનાના ધારાસભ્ય સુહાસ કાંડે -એ મોડલ કોડનું પાલન કર્યું હોવાનો આરોપ ભારતીય જનતા પાર્ટીએ કર્યા બાદ મત ગણતરી અટકાવવામાં આવી હતી. મતદાન સંબંધિત આચર સંહિતાનું ઉલ્લંઘન કર્યું છે. રાજ્ય ભાજપના એક નેતાએ કહ્યું, "અમે ચૂંટણી પંચ સમક્ષ અપીલ કરી છે કે તેમના (ત્રણ MVA ધારાસભ્યો) મત રદ કરવામાં આવે."