પેટાચૂંટણીના ઉમેદવારો જાહેર કરવામાં ય ગોથે ચડેલાં મવડી મંડળે રવિવારે મોડી રાતે ઉમેદવારોનું લિસ્ટ જાહેર કર્યું હતું. ભાજપના ઉમેદવાર આજે (સોમવારે) પેટાચૂંટણી માટે ઉમેદવાર ફોર્મ ભર્યા છે. પ્રદેશ અધ્યક્ષ જીતુ વાઘાણી રાધનપુર બેઠક પર અલ્પેશ ઠાકોર સાથે ફોર્મ ભરવા ઉપસ્થિત રહ્યા હતાં
ભાજપના ઉમેદવારોએ પેટાચૂંટણી માટે ભર્યા ફોર્મ
6 બેઠકો પરથી ઉમેદવારોએ ભર્યા ફોર્મ
રાધનપુર બેઠક પરથી અલ્પેશ ઠાકોરે જીતુ વાઘાણીની હાજરીમાં ભર્યું ફોર્મ
21 ઓક્ટોબરે થશે મતદાન, 24 ઓક્ટોબરે મતગણતરી
ગુજરાત પેટાચૂંટણી માટે ભાજપના આ ઉમેદવારોએ ભર્યા ફોર્મ
ગુજરાત પેટાચૂંટણીમાં ભાજપની 6 બેઠકો માટે થરાદથી જીવરાજભાઈ જગતભાઈ પટેલ, રાધનપુરથી અલ્પેશ ખોડાભાઈ ઠાકોર, ખેરાલૂથી અજમલભાઈ વાલજીભાઈ ઠાકોર, બાયડથી ધવલસિંહ નરેન્દ્રસિંહ ઝાલા, અમરાઈવાડીથી જગદીશભાઈ પટેલ અને લુણાવાડાથી જિગ્નેશ સેવક ઉમેદવાર નક્કી છે, જે ફોર્મ ભરી રહ્યા છે.
રાધનપુર વિધાનસભા બેઠક પર ભાજપે અલ્પેશ ઠાકોરને ટિકિટી આપી છે. અલ્પેશ ઠાકોર ફરી એકવાર રાધનપુરથી ચૂંટણી લડવા જઈ રહ્યા છે. હવે જોવાનું એ છે કે શું જનતા ફરીથી અલ્પેશ ઠાકોરને તક આપશે?
બાયડ- ધવલસિંહ ઝાલા
બાયડ વિધાનસભાથી ધવલસિંહ ઝાલા ફોર્મ ભરી રહ્યા છે ત્યારે અહીં ગોરધન ઝડફિયા અને મંત્રી રમણ પાટકર સભા સ્થળે હાજર રહ્યા હતા. ફોર્મ ભરતા પહેલાં ધવલસિંહે સભાનું પણ આયોજન કર્યું હતું જેમાં મોટી સંખ્યામાં કાર્યકરો હાજર રહ્યા હતા.
ખેરાલૂ - અજમલ ઠાકોર
ખેરાલૂમાં ભાજપે ઠાકોર ઉમેદવારને મેદાનમાં ઉતાર્યા છે. અજમલભાઈ વાલજીભાઈ ઠાકોર અહીંથી ઉમેદવારી ફોર્મ ભરી રહ્યા છે.
થરાદ - જીવરાજ પટેલ
થરાદ બેઠકની પેટાચૂંટણી માટે ભાજપે જીવરાજ પટેલને ટિકીટ આપી છે. આજે વહેલી સવારે જીવરાજ પટેલ સાંસદ પરબતને મળવા પહોંચ્યા હતા. અહીં તેમણે પ્રતિક્રિયા આપી કે મને વિશ્વાસ સાથે પક્ષે અહીં પહોંચાડ્યો છે તો મારી જીત નક્કી છે.
લુણાવાડા બેઠક પરથી ભાજપે જિગ્નેશ સેવકને ટિકીટ આપી છે. તેઓએ સવારથી જ મંદિરમાં પૂજા અર્ચના કરી છે અને તેઓ હવે બ્રહ્મ મૂહૂર્તમાં ઉમેદવારી ફોર્મ ભરી રહ્યા છે.
ગુજરાતની પેટાચૂંટણી માટે 21 ઓક્ટોબરે મતદાન થવાનું છે અને 24 ઓક્ટોબરે મતગણતરી થવાની છે. ત્યારે ગુજરાતની 6 બેઠકો પરના ભાજપના ઉમેદવારોની જાહેરાત થઇ ચૂકી છે. ગુજરાતની આ 6 બેઠકો પરના લોકોને જેની રાહ હતી તે ઉમેદવારોની યાદી જાહેર થઇ ચૂકી છે અને તેઓએ ફોર્મ પણ ભરી દીધા છે.