લોકસભા ઈલેક્શનને આશરે 1.5 વર્ષનો સમય છે ત્યારે એક સર્વેએ વિપક્ષની ઊંઘ ઊડાવી દે તેવો રિપોર્ટ રજૂ કર્યો છે.
લોકસભા ઈલેક્શન અંગે થયો એક સર્વે
સર્વેનાં આંકડાઓ જાણી ચોંકી જશે વિપક્ષ દળ
જો આજે ચૂંટણી થઈ તો કોણ જીતશે?- વિષય પર સર્વે
લોકસભા ચૂંટણી 2024ની તૈયારીઓ તમામ પાર્ટીઓ કરી રહી છે. પોતાની છેલ્લી રાષ્ટ્રીય કાર્યકરણીની બેઠકથી BJP લોકસભાની ચૂંટણી માટે મિશન મોડમાં આવી ગઈ છે ત્યારે કોંગ્રેસ સહિત બાકીનાં દળો પણ ચૂંટણી માટે વિવિધ રણનિતીઓ બનાવી રહ્યાં છે. કેટલાક વિપક્ષી દળોની ઊંઘ એક સર્વે બાદ ઊડી ગઈ હશે. જાણો આ રિપોર્ટમાં શું કહ્યું છે.'મૂડ ઑફ ધ નેશન' સર્વેનાં પરિણામોમાં દાવો કરવામાં આવ્યો છે કે આજે ચૂંટણી થઈ તો દેશમાં ફરી એકવાર બીજેપીની આગેવાનીવાળી રાષ્ટ્રીય જનતાંત્રિક ગઢબંધનની સરકાર બનશે.
જો આજે ચૂંટણી થઈ તો કોણ જીતશે?
સર્વે અનુસાર જો ચૂંટણી આજે કરવામાં આવે તો સૌથી મોટા રાજ્યમાં પણ ભાજપ સૌથી વધુ સીટો મેળવશે. એટલે કે દેશ હોય કે દેશનું સૌથી મોટું રાજ્ય ઉત્તરપ્રદેશ (લોકસભાની સીટોની દ્દષ્ટિએ) ભાજપ આજે પણ સૌથી વધુ સીટો મેળવી શકશે. સર્વે અનુસાર દેશની 543 લોકસભાની સીટોમાંથી 298 પર એનડીએનો કબ્જો રહેશે, 153 સીટો કોંગ્રેસનાં નેતૃત્વવાળા ગઢબંધન યૂપીએનાં ખાતામાં જશે અને અન્ય ક્ષેત્રીય દળોનાં ભાગમાં 92 સીટો આવશે.
ઉત્તરપ્રદેશને લઈને શું કહે છે સર્વે?
ઉત્તરપ્રદેશમાં લોકસભાની 80 સીટો છે. છેલ્લી 2 વખતની સામાન્ય ચૂંટણીમાં ભાજપ અને NDAએ આ રાજ્યમાં ધૂમ મચાવી હતી. 2019નાં સામાન્ય ચૂંટણીમાં યૂપીમાં ભાજપને 62 સીટો અને એનડીએને 64 સીટો મળી હતી. સર્વેનાં પરિણામો જોઈએ તો જો આજે ચૂંટણી થાય તો NDAને 80માંથી 70 પર જીત મળી શકશે.
કોંગ્રેસ સહિત તમામ વિપક્ષી દળોની ઊંઘ ઊડી
કોંગ્રેસ સહિત તમામ વિપક્ષી દળોની ઊંઘ એટલા માટે ઊડી છે કારણકે સર્વેમાં દેશની 543 સીટોમાંથી 153 સીટો કોંગ્રેસની આગેવાની વાળા યૂપીએને મળતી નજરે પડે છે તો 92 સીટો અન્ય દળોને પ્રાપ્ત થતી દેખાય છે. દેશમાં સરકાર બનાવવા માટે બહુમતીનો આંકડો 272નો છે. તો આ દ્દષ્ટિએ યૂપીએ અને બાકી દળોની સીટોને જોડવામાં આવે તો રિઝલ્ટ 254નો થાય છે. એટલે કે હાલમાં થયેલા આ સર્વેથી ભાજપની સરકાર બનતી દેખાઈ રહી છે.