ચર્ચા / ગુજરાતમાં ભાજપ અને મંત્રીમંડળમાં નવા જૂની થવાના એંધાણ, આ મોટા પદે ફેરફારની પૂરેપૂરી શક્યતા

• રાજ્યસભાની ચૂંટણી બાદ કેબિનેટના વિસ્તરણ થવાની સંભાવના
• રાજ્યના મંત્રીમંડળમાં કેટલાક ફેરફાર થવાની શક્યતાઃ સૂત્ર
• ભાજપ સંગઠનમાં મોટા ફેરફાર થવાની સંભાવનાઃ સૂત્ર

રાજ્યસભાની ચૂંટણી બાદ કેબિનેટના વિસ્તરણ થવાની સંભાવના  છે. સૂત્રો સાથે મળતી માહિતી મુજબ રાજ્યના મંત્રીમંડળમાં કેટલાક ફેરફાર થવાની શક્યતા છે. ચૂંટણી બાદ ભાજપ સંગઠનમાં મોટા ફેરફાર થવાની સંભાવના છે. હાલમાં ભાજપ પ્રદેશ પ્રમુખના નામોને લઈને ચર્ચાએ જોર પકડ્યું છે. 

ગુજરાતના રાજકારણમાં હાલ મહત્વના ફેરફારો આવી રહ્યા છે. ભાજપ રાજ્યસભામાં પોતાની એકપણ બેઠક જતી કરવા માંગતુ નથી ત્યારે કોંગ્રેસ પોતાની પાસે જે છે તેને બચાવવામાં લાગ્યુ છે. ભાજપમાં પ્રદેશ પ્રમુખ તરીકે કોની વરણી થશે તે અંગે ચર્ચાનું બજાર ગરમ છે. ગુજરાતમાં તેમાંય ગાંધીનગરમાં હાલ આ વાતો વહેતી થઈ છે. 

સૂત્રોના જણાવ્યાનુસાર કેટલાક લોકોના કામથી ભાજપના ઉપરી નેતા નારાજ છે વળી ખુદ ભાજપના આંતરિક વિખવાદને મેનેજ કરવા તેમજ કોંગ્રેસમાંથી કેટલીક શરતો સાથે આયાતી ઉમેદવારોને પણ સેટ કરવા મામલે હાલ ભાજપ સંગઠનમાં કવાયત હાથ ધરાઈ છે.