વરણી / ભાજપના સી.આર.પાટીલ આજે વિજય મુર્હતમાં ગુજરાત પ્રદેશ પ્રમુખનું પદ સંભાળશે

• સી.આર.પાટીલ પ્રદેશ ભાજપના પ્રમુખ પદે નિયુક્તી
• આજે સી.આર.પાટીલ પદભાર સંભાળશે 
• સુરતથી સમર્થકો ગાંધીનગર પહોંચ્યા 

આજે સી.આર પાટીલ ગુજરાત ભાજપના પ્રદેશ પ્રમુખનો હોદ્દો સંભાળશે. વિજયમુર્હતમાં તે પોતકાનું કમલમ ખાતે આ હોદ્દો સંભાળશે. ત્યારે તેમના સમર્થકો ગાંધીનગર પહોેચ્યા હતા. 

ચંદ્રકાંત પાટીલ  એટલે કે, સી.આર.પાટીલનાં નામે જાણીતા ભાજપ નેતા હવે ગુજરાત ભાજપ પ્રદેશ પ્રમુખ  છે. ભાજપે જેમ હરિયાણા, મહારાષ્ટ્ર વગેરેમાં મુખ્ય નિર્ણાયક જાતિગત પરિબળની ચિંતા કર્યા સિવાય અન્યને મુખ્યમંત્રી પણ બનાવ્યા હતા, તેની નાનીસરખી આવૃત્તિ સંગઠન સ્તરે ગુજરાતમાં કરવામાં આવી છે. તે કેટલી સફળ થશે? અથવા તો થશે કે કેમ?   અત્યાર સુધીમાં એક ભૂદેવ બીજા પટેલ, ક્ષત્રિય, અનાવિલ વગેરે પ્રમુખો થયા છે. તે બધા સરવાળે ગુજરાતી હતા.  

ભૂતકાળમાં પણ ભાજપાએ રણનીતિ બદલી હતી

વર્તમાન અને ભવિષ્યને નજરમાં રાખીને રણનીતિ તૈયાર કરવી એ ભારતીય જનતા પાર્ટીની બદલાયેલી શૈલી છે. સુરતમાં બહુ ઓછાને યાદ હશે કે મોહનનાથ કેદારનાથ દીક્ષિત ભારતીય જનસંઘના પ્રથમ પ્રદેશ પ્રમુખ હતા. મંગળસેન ચોપરા એક અડીખમ સૈનિક હતા. તે પછી કાશીરામ રાણા આવ્યા. તેમને ભાજપે પ્રદેશ પ્રમુખનો તાજ પહેરાવ્યો હતો. 1995માં કાશીરામ મુખ્યમંત્રી બને એવા સંજોગો પેદા થયેલા પરંતુ નસીબ પર પાંદડું ખસ્યું નહીં એટલું જ નહીં પણ સર્વોચ્ચની નજરના ભોગ બન્યા અને પ્રમુખ પદેથી પણ ગયા.