જુથવિવાદ / મહામારી વચ્ચે ગુજરાત ભાજપના નેતાઓ વચ્ચે જૂથવાદ : સેવાના નામે બાવળીયા-બોઘરા જૂથ વચ્ચે પોસ્ટર વૉર

• બાવળીયા-બોઘરા જૂથ આમને સામને
• મહામારી સમયે પ્રજાની સેવામાં જૂથવાદ
• બાવળીયા-બોઘરા વચ્ચે પોસ્ટર વોર

રાજકારણમાં નેતાઓની આંતરીક ખેંચતાણ જોવા મળતી હોય છે, જે ક્યારેક જુથ વિવાદમાં પણ પરિણમે છે. ત્યારે ભાજપનો જૂથવાથનો કલહ ફરી એકવાર સામે આવ્યો જસદણ ભાજપ પ્રમુખ ભરત બોઘરા જૂથ અને ધારાસભ્ય તેમજ કેબિનેટ મંત્રી કુંવરજી બાવળિયા જૂથના સમર્થકો ફરી આમને-સામને આવી ગયા હતા ગૃપમાં સભ્યો એક બીજાની સામ સામે આવી જતા જુથ વિવાદ ચર્ચાનો વિષય બન્યો છે.કોરોના મહામારી સમયે પ્રજાની સેવામાં જુથવાદ વચ્ચે પોસ્ટર વોર શરૂ થયું છે, 

બાવળીયા-બોઘરા વચ્ચે પોસ્ટર વોર

જસદણમાં બાવળીયા જુથ અને બોધરા જુથ વચ્ચે પોસ્ટર વોર શરૂ થતા બંને જુથના સભ્યો એકબીજાની સામે આવ્યા હતા. બોઘરાના કોવિડ સેન્ટરના ર પોસ્ટર પર બાવળીયાનું પોસ્ટર લગાવાતા બોઘરા જુથના સભ્યોએ વિરોધ કર્યો હતો. કોવિડ સેન્ટર ચાલુ હોવા છતા બાવળીયાનું પોસ્ટર લગાવવા આવતા વિવાદ સર્જાયો છે. જેને લઈ ને બાવળીયાના સમર્થકોએ પ્રદેશ અધ્યક્ષને ખુલાસા સાથે પત્રો લખ્યા છે કે  બોઘરાનું સેન્ટર બંધ જેવું હોવાથી પોસ્ટર લગાવવામાં આવ્યા છે, મહત્વનું છે કે બોઘરાના કોવિડ સેન્ટર પર  બાવળીના પોસ્ટર લાગ્ય છે જ્યારે બાવળીયાના DCHમ-2 કોવિડ કેર સેન્ટર પણ બોઘરાનું પોસ્ટર લાગ્યું છે. જેને લઈને સમગ્ર મામલો પ્રદેશ અધ્યક્ષ સુધી પહોંચ્યો છે.

પ્રદેશ અધ્યક્ષ સુધી પહોંચ્યો મામલો

મહત્વનું છે આ અગાઉ પણ બોઘરા અને બાવળીયા જૂથ વચ્ચે વિવાદ જોવા મળ્યો હતો. જેમાં એક ઓડિયો ક્લિપમાં બે સભ્યો સામ-સામે આક્ષેપ કરતાં જોવા મળ્યા હતા જેમાં આ વાયરલ થયેલી ક્લિપમાં નીતિન ચૌહાલીયા અને અલ્પેશ રૂપારેલીયા આમને-સામને આક્ષેપ કરી રહ્યાં છે. જેમાં તેઓ વચ્ચે ફોટાઓ વ્હોટ્સએપમાં મુકવા બાબતે પ્રતિઆક્ષેપો કરતાં જોવા મળ્યાં હતા.