રાજકોટ જિલ્લામાં ભાજપનો વધુ એક ઓડિયો ક્લિપ કાંડ સામે આવ્યો છે. લોધીકા તાલુકા પંચાયતમાં સત્તા મુદ્દે ખેંચતાણ શરૂ થઇ છે.
ભાજપની વધુ એક કથિત ઓડિયો ક્લીપ વાયરલ
લોધીકા તાલુકા પંચાયતમાં સત્તાને લઇ ખેંચતાણ
કથિત ઓડિયો ક્લીપ વાયરલ થતા ખળભળાટ
ભાજપની બહુમતી છતા કોંગ્રેસને સત્તા માટે અગ્રણીઓ પ્રયાસ કરી રહ્યા છે. જેમાં ભાજપ અગ્રણીની એક કથિત ઓડિયો ક્લીપ વાયરલ થતા ખળભળાટ થઇ છે. જેમાં પ્રમુખની વરણીમાં ઉથલપાથલ કરવાની વાતચીત છે. ઓડિયો ક્લિપમાં લોધિકા સંઘના ડિરેક્ટર મનસુખ સરધારા પારડી સીટના સભ્ય ઘનશ્યામ ભુવા સાથએ વાત કરી રહ્યા છે.
તેઓ કહી રહ્યા છે કે 3 સભ્યો મારી સાથે છે, તું આવીજા તો પાડી દઈએ. હાલ આ ઓડિયો ક્લિપ ભાજપ હાઈકમાન્ડને મોકલવામાં આવી છે. લોધીકા ભાજપ પ્રમુખ મુકેશ કમાણીએ આક્ષેપ કર્યો છે કે મનસુખ સરધારાને કોઈ હોદ્દો ન મળતા આવા પ્રયાસ કર્યા છે.