Saturday, July 20, 2019
સબસ્ક્રાઈબ કરો VTVGujarati ન્યુઝ Whatsapp

ચૂંટણી / ભાજપે કર્યું 7 ઉમેદવારોનું એલાન, દિલ્હીથી મનોજ તિવારી અને હર્ષવર્ધનને ટિકીટ

ભાજપે કર્યું 7 ઉમેદવારોનું એલાન, દિલ્હીથી મનોજ તિવારી અને હર્ષવર્ધનને ટિકીટ

ભાજપે લોકસભા ચૂંટણી 2019ના દિલ્હીના ચાર ઉમેદવારોની જાહેરાત કરી દીધી છે. નોર્થ ઇસ્ટ દિલ્હીથી મનોજ તિવારી ભાજપ તરફથી ઉમેદવારી કરેશે. ત્યારે, વેસ્ટ દિલ્હીથી પ્રવેશ વર્મા, સાઉથ દિલ્હીથી રમેશ બિધૂડી અને ચાંદની ચોકથી ડોક્ટર હર્ષવર્ધન મેદાનમાં હશે. દિલ્હીમાં કુલ 7 લોકસભાની બેઠકો છે. ભાજપે બાકી બચેલી ત્રણ બેઠકો પર ઉમેદવારોનું એલાન કર્યું નથી.

રવિવાર સાંજે ભાજપે પોતાની રજૂ કરેલી યાદીમાં ઇન્દોર, અમૃતસર અને યૂપીના ઘોષી બેઠકના ઉમેદવારોની જાહેરાત કરી નાખી છે, જ્યારે કોંગ્રેસે કોઇ પણ બેઠક પર પોતાના ઉમેદવારનું એલાન કર્યુ નથી.

અત્રે ઉલ્લેખનીય છે કે દિલ્હીમાં લોકસભા ચૂંટણી માટે આપ અને કોંગ્રેસ વચ્ચે ગઠબંધનને લઇને સસ્પેન્સ હજુ ચાલી રહ્યું છે. શનિવારે દિલ્હીના ઉપમુખ્યમંત્રી મનીષ સિસોદિયા અને સાંસદ સંજયસિંહે કહ્યું હતું કે કોંગ્રેસ ગઠબંધન માટે તૈયાર નથી. ત્યારે કોંગ્રેસના વરિષ્ઠ નેતા અહેમદ પટેલે કહ્યું કે દિલ્હીમાં લોકસભાની સાત બેઠકો પર 4-3 ફોર્મૂલા પર આપ સાથે વાતચીત ચાલી રહી હતી. જો આપ આ ફોર્મૂલાથી તૈયાર છે તો કોંગ્રેસ પણ તૈયાર છે.

જોવા જેવું વધુ જુઓ

બ્રેકિંગ ન્યૂઝ