ભાજપે બિહાર વિધાનસભાની ચૂંટણીના બીજા તબક્કા માટે તેના સ્ટાર પ્રચારકોની યાદી જાહેર કરી છે, તેમાં વડા પ્રધાન નરેન્દ્ર મોદી પ્રથમ નંબરે છે. શાહનવાઝ હુસેન અને રાજીવ પ્રતાપ રૂડીને પણ આ યાદીમાં સમાવવામાં આવ્યા છે.
ભાજપે જાહેર કરી સ્ટાર પ્રચારકોની યાદી
વડાપ્રધાન મોદી ભાજપની યાદીમાં પ્રથમ ક્રમાંક ઉપર છે
કોંગ્રેસે પણ ગુજરાત માટે જાહેર કરી સ્ટાર પ્રચારકોની યાદી
બિહાર વિધાનસભાની ચૂંટણીના બીજા તબક્કા માટે ભારતીય જનતા પાર્ટી એ તેના 30 સ્ટાર પ્રચારકોની નવી સૂચિ બહાર પાડી છે. પહેલા તબક્કાની ચૂંટણી માટે તાજેતરમાં જારી કરવામાં આવેલી પ્રથમ યાદીમાં સુધારો કરીને ભાજપના પ્રવક્તા શાહનવાઝ હુસેન અને રાજાવ પ્રતાપ રૂડી ના નામ નવી યાદીમાં જોડાયા છે. બંને પ્રથમ યાદીમાં નહોતા. વડા પ્રધાન નરેન્દ્ર મોદીને પણ નવી યાદીમાં પ્રથમ ક્રમે મૂકવામાં આવ્યા છે. આ યાદીમાં ગૃહ પ્રધાન અમિત શાહ નું નામ પણ છે
નવી યાદીમાં શાહનવાઝ હુસૈન અને રાજીવ પ્રતાપ રૂડીના નામ સામેલ છે
નવી યાદીમાં સાંસદ રાજીવ પ્રતાપ રૂડીને 23 મા અને ભાજપ ના પ્રવક્તા સૈયદ શાહનવાઝ હુસેન 24 મા ક્રમે છે. તેમનું નામ પ્રથમ યાદીમાં ન હોવા અંગે, બિહાર ભાજપે કહ્યું હતું કે સ્ટાર પ્રચારકોની સૂચિ ચૂંટણીના તબક્કા અને સમયપત્રક પ્રમાણે અપડેટ કરતી રહે છે. આ નવી સૂચિમાં તે અપડેટ થયું છે.
ભાજપે બીજા તબક્કાના સ્ટાર પ્રચારકોની યાદી જાહેર કરી
સમાચાર એજન્સી ANI અનુસાર, બીજા તબક્કાની ચૂંટણી માટે ભાજપ ના 30 સ્ટાર પ્રચારકોની યાદીમાં વડા પ્રધાન નરેન્દ્ર મોદી પ્રથમ ક્રમે છે. બીજા સ્થાને ભાજપના રાષ્ટ્રીય અધ્યક્ષ જેપી નડ્ડા અને ત્રીજા સ્થાને કેન્દ્રીય પ્રધાન રાજનાથ સિંહ છે. આ યાદીમાં ગૃહ પ્રધાન અમિત શાહ ચોથા ક્રમે છે. કેન્દ્રીય પ્રધાન નીતિન ગડકરીને પાંચમા સ્થાને મૂકવામાં આવ્યા છે. UP CM યોગી આદિત્યનાથ, દેવેન્દ્ર ફડણવીસ વગેરેના પણ નામ પણ સામેલ છે
ગુજરાત કોંગ્રેસે પણ જાહેર કરી સ્ટાર પ્રચારકોની યાદી
ગુજરાતમાં પણ બિહાર ની સાથે જ 8 વિધાનસભાની સીટો પર પેટાચૂંટણીઓ યોજાવા જઈ રહી છે, બંને પક્ષોએ તેમના 8 ઉમેદવારોના નામ પણ જાહેર કરી દીધા છે, ભાજપ કરતાં મોટા ભાગે પાછળ રહેતી કોંગ્રેસે જો કે આ વખતે ઊલટ ચાલ અપનાવી લાગે છે, તેને ભાજપ કરતાં પછી તેના ઉમેદવારોના નામ જાહેર કર્યા હતા પરંતુ સ્ટાર પ્રચારકોની લિસ્ટ માટે તે ભાજપ કરતાં વહેલી સાબિત થઈ છે.
આ લિસ્ટમાં પ્રદેશ પ્રમુખ અમિત ચાવડા, વિપક્ષ નેતા પરેશ ધાનાણી સહિતના 7 ધારાસભ્યો પ્રચાર કરશે, આ સાથે જ શક્તિસિંહ ગોહિલ સહિતના પાંચ રાજ્યસભા સાંસદો અને અર્જુન મોઢવાડીયા, સિદ્ધાર્થ પટેલ, હાર્દિક પટેલ અને ગુજરાત પ્રભારી રાજીવ સાતવ પણ પ્રચાર કરશે. આ બધા નામ સ્ટાર પ્રચારકોની યાદીમાં સામેલ છે.