ઉમેદવારી ફોર્મ ભરવા માટે 4 ઓક્ટોબર અંતિમ તારીખ છે ત્યારે ભાજપે પોતાના ઉમેદવારોની પ્રથમ યાદી જાહેર કરી છે. હરિયાણા વિધાનસભા ચૂંટણી માટે ભાજપે પ્રથમ યાદી જાહેર કરી છે. જેમાં બબીતા ફોગટ દાદરીથી લડશે, યોગશ્વર દત્ત બરોદાથી ચૂંટણી લડશે.
હરિયાણા ચૂંટણી માટે ભાજપે ઉમેદવારોની પ્રથમ યાદી જાહેર કરી
78 ઉમેદવારોની યાદીમાં પાર્ટીના 38 ધારાસભ્યોને ફરી ટિકિટ મળી
પીએમ મોદીની ઉપસ્થિતિમાં ભાજપના હેડક્વાર્ટર ખાતે અગત્યની બેઠક યોજાઈ હતી. આ બેઠકમાં ગૃહમંત્રી અમિત શાહ, ભાજપના કાર્યકારી અધ્યક્ષ જે.પી.નડ્ડા સહિત અન્ય પાર્ટીના વરિષ્ઠ નેતાઓ પણ હાજર રહ્યા હતા. આ બેઠક બાદ ભાજપે હરિયાણા વિધાનસભા ચૂંટણી માટે પ્રથમ યાદી જાહેર કરી છે. આ 78 ઉમેદવારોની યાદી ભાજપે જાહેર કરી છે જે નીચે મુજબ છે.
આ બેઠકમાં ઉત્તરાખંડમાં પાર્ટી વિરોધી ગતિવિધિઓમાં સામેલ થવા બદલ 40 સભ્યોને પાર્ટીમાંથી હાંકી કાઢવામાં આવ્યા. તો મહારાષ્ટ્ર અને હરિયાણામાં યોજનારી વિધાનસભા ચૂંટણી માટે ઉમેદવારો પર નિર્ણય લેવામાં આવ્યો. જે અંતર્ગત આજે ભાજપે હરિયાણા વિધાનસભાની પેટાચૂંટણી માટે ઉમેદવારોના નામ જાહેર કર્યા છે.
મહત્વનું છે કે, મહારાષ્ટ્ર અને હરિયાણામાં 21મી ઓક્ટોબરના રોજ મતદાન યોજાશે. જ્યારે ઉમેદવારી ફોર્મ ભરવા માટે 4 ઓક્ટોબર અંતિમ તારીખ છે.