IPLIN
 

ચૂંટણી / ભાજપે વધુ 24 ઉમેદવારોની યાદી કરી જાહેર, કોને મળી ટિકિટ?

Team VTV 05:16 PM, 06 Apr 19 | Updated: 05:18 PM, 06 Apr 19
Follow us
BJP announce list of 24 more candidates for lok sabha election

ભાજપે લોકસભા ચૂંટણી માટે 24 ઉમેદવારોની 18મી યાદી જાહેર કરી દીધી છે. પાર્ટીએ હરિયાણા, મધ્યપ્રદેશની હાઇ પ્રોફાઇલ બેઠક છિંદવાડાથી નાથન શાહને ટિકિટ આપી છે.

ભાજપે લોકસભા ચૂંટણી માટે 24 ઉમેદવારોની 18મી યાદી જાહેર કરી દીધી છે. પાર્ટીએ હરિયાણા, મધ્યપ્રદેશ, ઉત્તરપ્રદેશ અને રાજસ્થાનની બેઠકો માટે ઉમેદવારોનું એલાન કર્યું છે. ભાજપે મધ્યપ્રદેશની હાઇ પ્રોફાઇલ બેઠક છિંદવાડાથી નાથન શાહને ટિકિટ આપી છે. નાથન શાહની ટક્કર મધ્યપ્રદેશના મુખ્યમંત્રી કમલનાથના દીકરા નકુલનાથ સાથે થશે. ત્યારે ઉત્તરપ્રદેશના ફૂલપુરથી કેસરી પટેલને ટિકિટ મળી છે.
 


પાર્ટીએ આ સિવાય ઓડિસામાં થનાર વિધાનસભા ચૂંટણી માટે 2 ઉમેદવાર, મધ્યપ્રદેશની એક-એક વિધાનસભા બેઠક પર થનાર પેટા ચૂંટણી માટે ઉમેદવારોની જાહેરાત કરી છે. છિંદવાડામાં વિધાનસભા પેટા ચૂંટણી માટે પાર્ટીએ વિવેક સાહૂને ઉમેદવાર બનાવ્યા છે.
 
ત્યારે રાજસ્થાનની રાજસમંદ લોકસભા બેઠકથી જયપુર રાજધરાને પૂર્વ રાજકુમારી દીયા કુમારી સિંહને ટિકિટમળી છે. જણાવી દઇએ કે રાજસમંદ બેઠકને લઇને ભાજપમાં વિવાદ ચાલી રહ્યો હતો. ગુલાબ ચંદ કટારિયાનું જૂથ ઇચ્છતુ હતું કે જો દીયા કુમારી સિંહને જયપુરથી ટિકિટ નહીં મળે તો રાજસમંદથી ચૂંટણીમાં ઉતારવામાં આવે. ત્યારે કટારિયા પોતાના વિરોધી કિરણ મહેશ્વરીની ટિકિટ કાપવા માગતા હતા જ્યારે વસુંધરા રાજે સિંધિયા ઇચ્છતી હતી કે ત્યાં પણ દીયા કુમારી સિંહને ટિકિટ ન મળે અને કિરણ મહેશ્વરીને પેટાચૂંટણીમાં ઉતારવામાં આવે.
 
candidates BJP lok sabha election
IPLIN

ટૉપ સ્ટોરીઝ

સૌથી વધુ વંચાયેલું

બ્રેકિંગ ન્યૂઝ