ગૃહમંત્રી અમિત શાહે મહારાષ્ટ્રમાં ચાલી રહેલા રાજનીતિ પર પ્રથમ વખત પ્રતિક્રિયા આપી છે. મહારાષ્ટ્રમાં રાષ્ટ્રપતિ શાસનને લઇ વિપક્ષ સતત રાજ્યપાલ પર પક્ષપાત કરવાનો આરોપ લગાવી રહ્યું છે. જેને લઇ ગૃહમંત્રી અમિત શાહે વિપક્ષ પર આકરા પ્રહાર કર્યા હતા.
મહારાષ્ટ્રના રાજકીય સંકટ વચ્ચે અમિત શાહની પ્રથમ પ્રતિક્રિયા
આજે પણ પક્ષો પાસે મોકો છે, એકત્ર થઇને તેઓ રાજ્યપાલ પાસે જઇ શકે છેઃ શાહ
આ પહેલા સરકાર બનાવવા માટે એટલો સમય કોઇ રાજ્યમાં નથી અપાયોઃ શાહ
અમિત શાહે કહ્યું કે હું માનું છું કે રાજ્યપાલે યોગ્ય કામ કર્યું છે. આજે પણ દરેક લોકો સરકાર બનાવી શકે છે. શિવસેના 2 દિવસ માંગી રહી હતી, રાજ્યપાલે તેમને 6 મહિનાની તક આપી દીધી છે. કપિલ સિબ્બલ જેવા વકીલ એવા નિવેદન આપી રહ્યા છે કે મોકો છિનવી લીધો. તમારી પાસે પૂરો મોકો છે. આ સ્પષ્ટ કરવા માટે જ હું અહીંયા છું કે દરેક પાસે મોકો છે.
PM મોદીની જાહેરાત સમયે કોઇએ વિરોધ ન કર્યો
શાહે કહ્યું કે કેટલીક વખત પ્રધાનમંત્રી નરેન્દ્ર મોદી સાર્વજનિક રીતે કહી ચૂક્યા હતા કે જો અમારુ ગઠબંધન ચૂંટણી જીતશે તો દેવેન્દ્ર ફડણવીસ મુખ્યમંત્રી હશે. શાહે કહ્યું કે તે સમયે કોઇએ આનો વિરોધ નહોતો કર્યો. હવે આ નવી માંગ સાથે સામે આવી છે જે સ્વીકાર ન કરી શકાય. શાહે રાજ્યપાલના નિર્ણયનું સમર્થન કરતા કહ્યું કે આ પહેલા સરકાર બનાવવા માટે એટલો સમય કોઇ રાજ્યમાં નહોતો આપવામાં આવ્યો. 18 દિવસ સુધીનો સમય આપવામાં આવ્યો. રાજ્યપાલમાં તમામ પાર્ટીઓને ત્યારે બોલવામાં આવી જ્યારે વિધાનસભાનો કાર્યકાળ સમાપ્ત થઇ ગયો. શિવસેના, કોંગ્રેસ, એનસીપી અને ન અમે સરકાર બનાવવાનો દાવો કર્યો. જો આજે પણ કોઇ પક્ષની પાસે સંખ્યા છે તો તે રાજ્યપાલ પાસે જઇ શકે છે.
BJP President Amit Shah to ANI on collapse of alliance with Shiv Sena: Before elections PM&I said many times in public that if our alliance wins then Devendra Fadnavis will be the CM, no one objected back then. Now they have come up with new demands which are not acceptable to us pic.twitter.com/4toj07oHVo
સંખ્યા હોય ચો રાજ્યપાલનો સંપર્ક કરી બનાવો સરકારઃ શાહ
શાહે કહ્યું કે આજે પણ પક્ષો પાસે મોકો છે, એકત્ર થઇને તેઓ રાજ્યપાલ પાસે જઇ શકે છે. મોક ન આપવાનો સવાલ ક્યાં છે. આ મુદ્દે વિપક્ષ કોરી રાજનીતિ કરી રહ્યું છે. એક કાયદાકીય પદને રાજનીતિ માટે આ પ્રકારે ઉપયોગ કરવો લોકશાહી માટે સ્વસ્થ પરંપરા નથી. રાજ્યપાલે સૌને 6 મહિનાનો સમય આપી દીધો બનાવો ભાઇ સરકાર.
રાજ્યપાલે કર્યો ઉચિત નિર્ણય
શાહે કહ્યું કે રાજ્યપાલે યોગ્ય કામ જ કર્યું છે. કોનો મોકો છીનવી લીધો, કેવી રીતે મોકો છીનવ્યો? કપિલ સિબ્બલ જેવા વિદ્વાન વકીલ બાલિશ દલીલો દેશની સામે રાખે છે. અમે સૌથી મોટી પાર્ટી હતા. સાથી પક્ષે જ્યારે શરતો એવી રાખવા માંગી જે અમને સ્વીકાર્ય ન હતી. જે દાવો કરી રહ્યા છે અમે સરકાર બનાવવાનો મોકો મળ્યો. તેમની પાસે હજુ પણ મોકો છે.