આક્ષેપ / અલ્પેશ ઠાકોર સમાજના નામે પૈસા પડાવે છે તે બહુરૂપિયો છે : નવઘણજી ઠાકોર

• અલ્પેશ ઠાકોર પર જમીન પચાવી પાડવાનો આક્ષેપ
• નવઘણજી ઠાકોરે આક્ષેપ કર્યો
• 37 વિઘા જમીન પચાવી પાડ્યાનો આરોપ

અલ્પેશ ઠાકોર પર જમીન પચાવી પાડવાનો આક્ષેપ લગાવવામાં આવી રહ્યો છે. વિરમગામના સિતાપુરમાં 37 વિઘા જમીન પચાવવાનો આક્ષેપ થયો છે. ધમકી આપી 37 વિઘા જમીન પચાવ્યાનો આક્ષેપ થી રહ્યો છે. નવઘણજી ઠાકોર નામના શખ્સે આક્ષેપ લગાવ્યા છે. આ મુદ્દે કોર્ટમાં કેસ ચાલી રહ્યો છે 

અમે સહી કરી દીધી અને હાલ બધી જમીન તેમના નામે થઇ ગઇ

નવઘણજીએ ઉમેર્યુ હતુ કે, હવે મારી પાસે કેસ લડવાના પણ પૈસા નથી. ધરમ કરતા ધાડ પડી છે. આ અંગનો લેટર નવઘણજી ઠાકોરે સોશિયલ મીડિયામાં વાયરલ કર્યો છે. એટલું જ નહીં પરંતુ તેણે અલ્પેશ ઠાકોર પર આક્ષેપ કર્યો છે કે, અલ્પેશ ઠાકોર સમાજનો ઉપયોગ કરીને પૈસા હડપે છે તે બહુરૂપિયા છે. મારા દાદાના નામે 37 વિઘા જમીન હતી તે અલ્પેશ ઠાકોર અને તેમના પિતાને અમે અમારું નામ દાખલ કરવા જમીન આપી હતી. અને તેમને જ્યાં કહ્યું ત્યાં અમે સહી કરી દીધી અને હાલ બધી જમીન તેમના નામે થઇ ગઇ છે.

સ્થાનિક સ્વરાજ્યની ચૂંટણી પહેલા જ ધડાકો

સ્થાનિક સ્વરાજ્યની ચૂંટણીને લઈને આ વીડિયો વાયરલ કરવામાં આવ્યો હોવાનું પણ કહેવાઈ રહ્યુ છે. જો કે વીડિયોમાં નવઘણજીએ સ્પષ્ટ કહ્યુ છે કે, અલ્પેશ ઠાકોર ઠાકોર સમાજનું પ્રતિનિધત્વ કરવાને બહાને પોતાનું ઘર ભરે છે.