કેન્દ્ર સરકાર લોકસભામાં એકવાર ફરી ત્રિપલ તલાક બિલ રજૂ કરવામા જઇ રહી છે. લોકસબામાં ત્રિપલ તલાક બિલને લઇને ચર્ચા કરવા માટે ભાજપે પોતાના સાંસદોને હાજર રહેવા વ્હિપ જાહેર કર્યો છે. જો કો કોંગ્રેસ, ટીએમસી સહિત અનેક વિપક્ષી દળ આ બિલનો વિરોધ કરી રહ્યાં છે.
જો કે બિલ રજૂ કર્યા અગાઉ જ ભારતીય જનતા પાર્ટી માટે ચિંતાના સમાચાર આવી રહ્યાં છે. NDA ગઠબંધનમાં ભાજપના સહયોગી એવા જનતા દળ (યૂ) ત્રિપલ તલાક બિલનો વિરોધ કરશે. જો કે આ અગાઉ પર જેડી(યૂ) આ બિલને લઇને વિરોધ કરતી આવી છે.
જેડી(યૂ)નું માનવું છે કે કેન્દ્ર સરકાર તરફથી આ બિલ પર કોઇપણ પ્રકારની ચર્ચા કરવામાં આવી નથી. તે સિવાય જેડી(યૂ)નો વિરોધ છે કે ત્રિપલ તલાકનું અપરાધીકરણ થયા બાદ પીડિત મહિલાઓની મુશ્કેલી વધી શકે છે. આ સિવાય બેઇલ પરના નિયમને લઇને આમ જનતાના વિચાર, રાજકીય પક્ષો સાથે ચર્ચા કરવી જરૂરી હતી.
સંસદમાં જનતા દળ(યૂ) બિલને સ્ટેન્ડિંગ કમિટિ પાસે મોકલવાની માંગણી કરી શકે છે. ઉલ્લેખનીય છે કે આ અગાઉ વિપક્ષ ત્રિપલ તલાક બિલ વિરુધ્ધ એકજૂટ છે અને સરકારને આ બિલ પર વિચાર કરવા જણાવી રહ્યો છે.
જો કે સરકાર માટે સૌથી મોટો ચિંતાનો વિષય એ છે કે જો ત્રિપલ તલાક બિલને લઇને NDAના સાથી પક્ષોમાં જ વિરોધ જોવા મળશે તો મુશ્કેલી વધી શકે છે. જો કે લોકસભામાં સરકાર માટે આ બિલ પસાર કરવાને લઇને કોઇ મુશ્કેલી નહીં પડે. જો કે રાજ્યસભામાં હજી પણ વિપક્ષ તાકતવર છે, એવામાં જો જેડી(યૂ) પણ સાથ છોડી દે તો સરકાર માટે મુશ્કેલી વધી શકે છે.
ઉલ્લેખનીય છે કે ત્રિપલ તલાક બિલ મોદી સરકારના પહેલા શાસનકાળ દરમિયાન લોકસભામાં પસાર થઇ ગયું હતું, પરંતુ રાજ્યસભામાં રજૂ કરાયું નહોતું.