ઓડિશા / 58 વર્ષના બાહુબલી ધારાસભ્ય બૉર્ડની પરીક્ષા આપવા બેઠા, ટીચરે કર્યું એવું કે વિદ્યાર્થીઓ ચોંક્યાં

• શિક્ષણ મેળવવા માટે ઉંમર નથી હોતી
• 58 વર્ષના ધારાસભ્ય ધોરણ 10ની પરીક્ષા આપવા બેઠા
• BJDના ધારાસભ્ય છે અંગત કન્હાર 

તમે જે મુકામ હાંસલ કરવા ઇચ્છતા હોવ તેને સફળતા પૂર્વક પાર પાડવા માટે જરુર છે મહેનત અને લગનની. જો તમારુ મનોબળ મક્કમ હશે તો તમે તમારા લક્ષ્યાંકો ગમે તેવી કપરી સ્થિતિમાં પણ પાર કરી શકશો. ત્યારે આવુ જ એક ઉદાહરણ સામે આવ્યું છે ઓડિશામાં. જ્યાં 58 વર્ષના ધારાસભ્ય ધોરણ 10ની પરીક્ષા આપવા બેઠા. જાણીને નવાઇ લાગીને , પરંતુ આ સત્ય છે. ત્યારે આવો જાણીએ આ ધારાસભ્યની આ કહાની વિશે..

ધારાસભ્ય ધોરણ 10ની પરીક્ષા આપવા બેઠા 

કહેવાય છે કે શિક્ષણ મેળવવાની કોઈ ઉંમર હોતી નથી. આ છે ઓડિશાના ફુલબનીના બીજુ જનતા દળ (BJD)ના ધારાસભ્ય અંગદ કન્હાર છે. તેમની ઉંમર 58 વર્ષની છે. પારિવારિક મુશ્કેલીઓના કારણે તેઓ 10મું ધોરણ પાસ કરી શક્યો ન હતા. તેમને આ વાતનો અફસોસ હતો. આથી તેઓએ ફરીથી અભ્યાસ કરવાનું નક્કી કર્યું અને હાલ તેઓ ધોરણ 10ની પરીક્ષા આપી રહ્યા છે. કોંધ જનજાતિનો કન્હાર પૂરા ઉત્સાહ સાથે પરીક્ષા આપી રહ્યા છે.

ડ્રાઇવરે વધાર્યો ઉત્સાહ 

ઓડિશા બોર્ડની 10મીની પરીક્ષા શુક્રવારથી શરૂ થઈ ગઈ છે. આ વર્ષે 5.8 લાખ ઉમેદવારો પરીક્ષા આપી રહ્યા છે. આ પરીક્ષાર્થીઓમાં એક કંધમાલ જિલ્લાના બીજેડીના ધારાસભ્ય અંગદ કન્હાર પણ છે. 58 વર્ષીય અંગદ કંહાર 40 વર્ષ પહેલા મેટ્રિકની પરીક્ષામાંથી ડ્રોપ આઉટ થઈ ગયા હતા. કન્હાર શુક્રવારે તેમની 10માની બોર્ડની પરીક્ષા આપવા માટે કંધમાલ જિલ્લાના પીતાબારી ગામની રૂજાંગી હાઈસ્કૂલ પહોંચ્યા હતા. તેઓ એકલા ન હતા. તેમની સાથે તેમના 1978ના બેચમેટ સુદર્શન કન્હાર પણ હતા. સુદર્શન કંધમાલની લુઈસિંગ ગ્રામ પંચાયતના સરપંચ છે. બંને જનપ્રતિનિધિઓ સાથે ધારાસભ્યનો 24 વર્ષીય ડ્રાઈવર પીતાબાસા દિગલ પણ હતો. ધારાસભ્યના કહેવા પ્રમાણે, તેમના ડ્રાઈવરે જ તેમને પરીક્ષા આપવા માટે પ્રોત્સાહિત કર્યા હતા.

Odisha | Biju Janata Dal (BJD) MLA from Phulbani, Angada Kanhar appeared for his Class 10th examinations. He was among the 5.8 lakh students appearing for the Class 10 state board examination in Odisha that commenced on Friday. pic.twitter.com/hFWNJjXZ5l

— ANI (@ANI) April 29, 2022

શિક્ષણ માટે ઉંમર અવરોધરુપ ન હોવી જોઇએ 

પરીક્ષા સમયે અંગદ કંહારની હાલત પણ બાકીના પરીક્ષાર્થીઓ જેવી જ હતી. તેઓ પરીક્ષાને લઇને નર્વસ હતા.  તેમણે કહ્યુંકે મને પરીથી 10માં ધોરણની પરીક્ષા આપવામાં શરમ નથી આવતી.  કારણ કે મે આવા ઘણા કિસ્સા જોયા છે જેમાં વધુ ઉંમરના લોકો પરીક્ષા આપતા હોય. ત્યારે આ ઉંમરે હું પરીક્ષા આપીને એ સંદેશો આપવા માંગુ છું કે  શૈક્ષણિક ડિગ્રી મેળવવામાં ઉંમર અવરોધરૂપ ન હોવી જોઈએ. ,

વિદ્યાર્થીની જેમ જ ટ્રીટ કરાયા ધારાસભ્ય 

પરીક્ષા કેન્દ્રના સુપ્રિટેન્ડેન્ટ અર્ચના બાસાના જણાવ્યા અનુસાર ધારાસભ્યને કોઈ અલગ સુવિધા આપવામાં આવી ન હતી. અન્ય વિદ્યાર્થીઓની જેમ તેમની પણ નકલ વિરોધી નિયમો હેઠળ ચેકિંગ કરવામાં આવ્યું હતું. આ વર્ષે 10માં ધોરણની રાજ્ય બોર્ડની પરીક્ષામાં 5,85,730 વિદ્યાર્થીઓ બેઠા છે. આ પરીક્ષા 3,540 કેન્દ્રો પર લેવામાં આવી રહી છે. મહત્વનું છે કે અગાઉ 2017માં કંધમાલ જિલ્લાના 46 વર્ષીય બીજેડી ધારાસભ્ય રાજીવ પાત્રાએ શાળા છોડ્યાના ત્રણ દાયકાથી વધુ સમય પછી મેટ્રિકની પરીક્ષા પાસ કરી હતી.