Gold Rate Today / સોનાની કિંમતમાં થયો ઘટાડો, ચાંદીનો પણ જાણી લો ભાવ

એસોસિએશનના નિવેદન મુજબ સ્થાનિક જ્વેલર્સ મુજબ તહેવારોમાં લિવાલી ઓછી થવાને પગલે આ ઘટાડો નોંધાયો છે. ચાંદી આજે 48,800 ના ભાવ પર સ્થિર રહ્યું હતું. વૈશ્વિક સ્તરની વાત કરીએ તો સોમવારે ન્યૂયોર્કમાં 1,523.70 ડોલર પ્રતિ ઔંસ અને ચાંદી 18.41 ઔંસ પર રહેવા પામી હતી. 

ઉલ્લેખનીય છે કે, ઓલ ઇન્ડિયા બુલિયન(સોની) એસોસિએશનના જણાવ્યા મુજબ, સોમવારે રાજધાનીમાં 99.9 ટકા શુધ્ધતા વાળા સોનામાં 40 રૂપિયાનો ઘટાડો નોંધાયો અને તેની પ્રતિ 10 ગ્રામ કિંમત 39,600 તથા 99.5 ટકા શુધ્ધતા ધરાવતા સોનામાં 40 રૂપિયાના ઘટાડા સાથે 39,430 પ્રતિ 10 ગ્રામ થયું.  ત્યારે સોનાની કિંમતમાં 1000 રૂપિયાનો ઘટાડો નોંધાયો છે. હવે તેની કિંમત 20,100 રૂપિયા પ્રતિ 8 ગ્રામ થવા પામ્યું હતું. 

આ તરફ ચાંદીની વાત કરીએ તો, ચાંદીના ભાવમાં સોમવારે કોઇપણ પ્રકારનો ફેરફાર નોંધાયો નહોતો અને 48,800 રૂપિયા પ્રતિ કિલોગ્રામ પર તે રહેવા પામી હતી. સાપ્તાહિક ડિલિવરી વાળી ચાંદીના ભાવ પણ 46,742 રૂપિયા પ્રતિ કિલોગ્રામ પર સ્થિર રહી છે. આ તરફ ચાંદીના સિક્કાની કિંમતમાં કોઇપણ પ્રકારનો ફેરફાર જોવા મળ્યો નહોતો. ચાંદીના સિક્કાની લિવાલી કિંમત 1,00,000  રૂપિયા પ્રતિ સો અને વેચાણ કિંમત 1,01,000 રૂપિયા પ્રતિ સો પર સ્થિર થઈ છે.