બિટકોઇન કૌભાંડઃ કિરીટ પાલડિયાની પુછપરછમાં થયા મોટા ખુલાસા નલિન કોટડિયાની થશે ધરપકડ!

સુરતઃ બિટકોઈન કૌભાંડ મામલે CID દ્વારા કિરીટ પાલડીયાની ધરપકડ કરવામાં આવી છે. ત્યારે હવે કિરીટ પાલડિયાની પુછપરછમાં અનેક ખુલાસા થયા છે. કિરીટ પાલડીયાની પુછપરછમાં સામે આવ્યુ કે બિટકોઈન ક્યા ટ્રાન્સફર કરવામાં આવ્યા. આ બિટકોઈન બનાવ ના પહેલા જ ટ્રાન્સફર કરવામાં આવ્યા હતા.

ત્યારે હવે નલિન કોટડિયાની ધરપકડ કરવામાં આવી શકે છે. પાલડિયાએ 12 કરોડના બિટકોઈન 10 કરોડમાં વેચ્યા હતા. તાત્કાલિક બિટકોઈન વેચવાની નોબત આવતા તેણે ઓછા ભાવમાં બિટકોઈન વેચ્યા હતા.

થોડા સમય પહેલા કોટડિયાનો વીડિયો રેકોર્ડ આવ્યો હતો સામે
બિટકોઈન કૌભાંડ મામલે લાંબા સમય બાદ નલીન કોટડિયા આવ્યા સામે હતાં. બિટકોઈન મામલે નલીન કોટડીયાએ પોતાની જાતને નિર્દોષ ગણાવ્યા હતાં. મીડિયાના સવાલોથી બચવા જાતે વીડિયો રેકોર્ડ કરી મોકલ્યો હતો. વીડિયોમાં શૈલેષ ભટ્ટના આક્ષેપોને નલીન કોટડિયાએ નકાર્યા હતાં. તેમણે શૈલેષ ભટ્ટના આક્ષેપો પાયાવિહોણા જણાવ્યા હતાં. જો કે હાલ તો કિરીટ પાલડીયાની પુછપરછ બાદ એવું જાણવા મળી રહ્યું છે કે નલિન કોટડિયાની ધરપકડ કરવામાં આવી શકે છે.

ઉલ્લેખનીય છે કે બિટકોઇન મામલે સુરતના વેપારી શૈલેષ ભટ્ટે Vtv સમક્ષ સૌથી મોટો ખુલાસો કર્યો હતો. બિટકોઇન પર ખુલાસો કરતા શૈલેશ ભટ્ટે કહ્યું હતું કે CBI કિરીટ પાલડિયા અને નલિન કોટડિયા પર આક્ષેપો લગાવ્યા હતા. તેમણે કહ્યું હતું કે મારુ સ્કેન્ડલ ગોઠવી કરોડો રૂપિયા પડાવ્યા છે.

બિટકોઇન કેસમાં નલિન કોટડિયાની થઇ શકે છે ધરપકડ CID પાસે છે મજબુત પૂરાવા