બિટકોઇન કૌભાંડમાં CID ક્રાઇમે શૈલેશ ભટ્ટના મિત્ર અને ભાગીદાર એવા કિરીટ પાલડિયાની ચાર દિવસની સઘન પૂછપરછ બાદ ધરપકડ કરી છે. પોલીસે શૈલેશ ભટ્ટનું અપહરણ કર્યા પહેલાં જ કિરીટ પાલડિયાએ શૈલેશ ભટ્ટના 12 કરોડની કિંમતના ડિજિટલ કરન્સી એવા બિટકોઇન વેચી દીધા હોવાનો ઘટસ્ફોટ થતાં CIDએ તેની ધરપકડ કરી છે. નાણાકીય ભીડ હોવાથી પાલિડયાએ 12 કરોડ રૂપિયાના બિટકોઇન 10 કરોડ રૂપિયામાં વેચી દીધા હોવાનું પણ CID ની તપાસમાં ખૂલ્યું છે.
તારીખ 11 ફેબ્રુઆરીના રોજ સુરતના બિલ્ડર શૈલેશ ભટ્ટ અને તેમના ભાગીદાર કિરીટ પાલિડયાનું કોબા સર્કલ નજીક રાજધાની હોટલ પાસેથી અમરેલી એલસીબી પીઆઇ અનંત પટેલ અને તેમની ટીમ દ્વારા અપહરણ કરીને દહેગામ રોડ પર આવેલા મગોડી ગામના કેશવ ફાર્મ હાઉસમાં લઇ જવામાં આવ્યા હતા. જ્યાં શૈલેશ ભટ્ટને માર મારવામાં આવ્યો હતો અને ૧ર કરોડના િબટકોઇન ટ્રાન્સફર કરાવી લીધા હતા અને ૩ર કરોડ રૂપિયાની ખંડણી પણ માગી હતી. સુરતની કેતન પટેલ નામની વ્યકિત ફાર્મ હાઉસ પર આવી હતી અને પી.આંગિડયા પેઢી મારફતે રૂપિયા ટ્રાન્સફર કરવાની વાત કરતાં શૈલેશ ભટ્ટ અને કિરીટ પાલિડયાને છોડી દીધા હતા.
એલસીબીના સકંજામાંથી છૂટી ગયા બાદ શૈલેશ ભટ્ટે આ સોદો કેન્સલ કરાવી દીધો હતો. શૈલેશ ભટ્ટનું અપહરણ કરીને ૧ર કરોડ નાબિટકોઇન ટ્રાન્સફર કરવાના મામલે CID ને તપાસ કરવાના આદેશ આપ્યા હતા. CID એ કેસમાં ઝીણવટભરી તપાસ કર્યા બાદ પોલીસ કોન્સ્ટેબલ બાબુભાઇ ડેર વિજય વાઢેરની ધરપકડ કરી હતી ત્યારબાદ પીઆઇ અનંત પટેલની ધરપકડ કરી હતી. અનંત પટેલે અપહરણનો આખો કાંડ અમરેલીના એસપી જગદીશ પટેલના કહેવાથી કર્યો હોવાની કબૂલાત કરતાં સીઆઇડી ક્રાઇમે જગદીશ પટેલની ધરપકડ કરી હતી.
જગદીશ પટેલ અને અનંત પટેલની ધરપકડ બાદ પણ 12 કરોડ રૂપિયાના બિટકોઇન ક્યાં ગુમ થયા તે જાણવું CID માટે અઘરું થઇ ગયું હતું. એફએસએલના અધિકારીઓ પણ ગોથાં ખાઇ ગયા હતા ત્યારે CIDને કિરીટ પાલિડયા પર શંકા ગઇ હતી. છેલ્લા ચાર દિવસથી CID ના અધિકારીઓએ કિરીટ પાલિડયાની સઘન પૂછપરછ કરી હતી જેમાં સીઆઇડી અને એફએસએલ અધિકારીઓ સમક્ષ કઇ રીતે બિટકોઇન ગાયબ થયા તેનો ભાંડો ફોડ્યો હતો.
કિરીટ પાલિડયાએ સુરતના અનેક મોટા માથાંઓને બિટકોઇનમાં રોકાણ કરાવ્યું હતું જે પૈકીના શૈલેશ ભટ્ટ પણ એક હતા. જોકે શૈલેશ ભટ્ટનું રોકાણ હોવા છતાં બિટકોઇનમાં તેમને ખબર નહીં પડતી હોવાના કારણે શૈલેશ ભટ્ટના176 બિટકોઇન કિરીટ પાલિડયાના વોલેટમાં રહેતા હતા. કેશવ ફાર્મમાં અમરેલીના ઇન્સ્પેક્ટરે િબટકોઇન આપવાનું દબાણ કરતાં શૈલેશ ભટ્ટે કિરીટ પાલિડયાના મોબાઇલમાં રહેલા બિટકોઇન આપી દેવા જણાવ્યું હતું જેમાં બિટકોઇન ટ્રાન્સફર થઇ ગયા હોવાનું પાલિડયાએ જણાવ્યું હતું.
શૈલેશ ભટ્ટની ફરિયાદના આધારે એફએસએલના નિષ્ણાતો દ્વારા કિરીટ પાલિડયાના ફોનમાંથી થયેલા ટ્રાન્ઝેક્શન તપાસ્યા હતા પરંતુ ૧૧મીના રોજ આવો કોઇ વ્યવહાર થયો નહીં હોવાનો કોઇ પુરાવો મળ્યો નહોતો. જેથી સીઆઇડીને શૈલેશ ભટ્ટ ખોટું બોલી રહ્યા હોવાની શંકા ગઇ હતી. કિરીટ પાલિડયાએ શૈલેશ ભટ્ટ અપહરણ થાય તે પહેલાં જ પોતાના વોલેટમાં રહેલા શૈલેશના િબટકોઇન અલગ અલગ વ્યક્તિને ટ્રાન્સફર કરી દીધા હતા અને જ્યારે બનાવ બન્યો ત્યારે તા.૧૧મીના રોજ તેણે ઇન્સ્પેક્ટર અનંત પટેલને િબટકોઇન ટ્રાન્સફર થઇ ગયા હોવાનું કહ્યુ હતું
કિરીટ પાલિડયાએ અપહરણના થોડાક દિવસ પહેલાં જ શૈલેશના િબટકોઇન ટ્રાન્સફર કરી દીધા હતા અને બાદમાં તે વેચી તેણે પોલીસને તેનો હિસ્સો આપ્યો હતો. સીઆઇડી સમક્ષ કિરીટ ટ પાલિડયાએ કબૂલાત કરતાં તેની ધરપકડ કરવામાં આવી છે. નાણાકીય ભીડ હોવાના કારણે 12 કરોડ રૂપિયાના બિટકોઇન ૧૦ કરોડમાં વેચી દીઘા હોવાની કબૂલાત તેણે કરી છે. અા મામલે સીઅાઈડી ક્રાઈમના વડા અાશિષ ભાટિયાઅે જણાવ્યું છે કે કિરીટ પાલિડયાની ધરપકડ કરવામાં અાવી છે.