બીટકોઇન કૌભાંડ મામલે EX MLA કોટડિયાના ઘરે પહોંચ્યું Vtv અને પછી...

સુરતઃ બીટકોઈન કૌભાંડ મામલામાં નલિન કોટડિયાનું નામ સામે આવતા કોટડિયા ભૂગર્ભમાં ઉતરી ગયા છે. ત્યારે ધારીના કોટડિયાના પારિવારિક ઘરે Vtv પહોંચ્યું હતું પરંતુ નલિન કોટડિયા પોતાના નિવાસસ્થાને મળ્યા ન હતા.



Vtvએ ઘરે તપાસ કરતા કોટડિયાના પરિવારના સભ્યો ઘરે મળ્યા હતા. કોટડિયાની પત્ની પુત્ર પુત્રવધૂ જ ઘરે મળ્યા હતા. જયારે નલિન કોટડિયાએ પોતાના ઘરે હોવાનો દાવો કર્યો હતો. ત્યારે છેલ્લા 15 દિવસથી કોટડિયા ઘરે ન આવ્યા હોવાનું જાણવા મળ્યું હતું. 

CID ક્રાઈમ નલિન કોટડિયાની ધરપકડ માટે શોધખોળ કરી રહી છે. આ ઉપરાંત ખાનગી તપાસથી સુરતમાં બીટ કોઇન જગતમાં ફફડાટ ફેલાયો છે. બિલ્ડરો અને હિરા વેપારીઓ બીટ કોઇનમાં કરોડોનો વ્યવહાર કરી રહ્યા છે. સુરતમાં બ્લેકમનીનું કામ બિટકોઇન અને ક્રિપ્ટો કરન્સીએ લીધું છે.



બિટકોઇનથી સુરતમાં હવાલાના કરોડો રુપિયાનું ટ્રાન્જેકશન થઇ રહ્યું છે. ઇન્ડોનેશિયા અને તાઇવાન સુરતના બિટકોઇનના કેન્દ્ર બન્યા છે. મોટા સુરતી વેપારીઓની તાઇવાન અને ઇન્ડોનેશિયાની મુલાકાતો વધી રહી છે. સુરતમાં બિટકોઇનમાં 100થી વધારે એજન્ટો કામ કરી રહ્યાં છે.