અમરેલી: બિટકોઈન પ્રકરણમાં સંડોવાયેલા પૂર્વ ધારાસભ્ય નલીન કોટડિયાને પકડવા CID ક્રાઈમે ધારીના જંગલના એક ફાર્મ હાઉસમાં દરોડા પાડયા હતા. ફાર્મમાં ઉપસ્થિત રાજુભાઈ નામના વ્યક્તિની પૂછપરછ કરી તેનું નિવેદન નોંધ્યું છે.
તો ધારીમાં આવેલા જીગ્નેશભાઈ કોટડિયાની ગૌશાળામાં દરોડા પાડી તેમનું નિવેદન નોંધ્યું છે. તો CIDએ આત્યરસુધીમાં જે પણ તપાસ કરી છે તેનો સમગ્ર રિપોર્ટ કોર્ટને સોંપી નલીન કોટડિયાને પકડવા વોરન્ટની માંગ કરી છે. જેના પગલે સ્પેશ્યલ કોર્ટમાં ધરપકડ વોરન્ટ જારી કરવા તેમજ કોટડિયાને ભાગેડુ જાહેર કરવાની કાર્યવાહીના ભાગરૂપે અરજી દાખલ થઈ છે.
આ અરજી પર 17મી મેના રોજ કોર્ટ પોતાનો નિર્ણય આપશે. કોટડિયાને સમન્સો પાઠવવા છતાં તે હાજર ના રહેતા અને CIDને ગોળગોળ ફેરવતા CIDએ તેમના છુપાવાના સંભવિત સ્થળો પર બાતમીના આધારે સ્થાનિક પોલીસની મદદથી દરોડા પાડયા છતાં તેઓ હાથ લાગ્યા નહીં.
ઉલ્લેખનીય છે કે બિટકોઇન મામલે નલીન કોટડીયાને સમન્સો પાઠવવા છતા હાજર નહી થતા અને CIDને ગોળગોળ ફેરવતા છેવટે CIDએ તેમના છુપાવાના સંભવિત સ્થળો પર બાતમીના આધારે સ્થાનિક પોલીસની મદદથી દરોડા પાડયા છે. પરંતુ તેઓ હાથ લાગ્યા ન હતા. આ દરોડામાં ધારીના જંગલમાં આવેલા એક ફાર્મમાં મોડી રાત્રે દરોડો પાડયો હતો.
ત્યાં હાજર રાજુભાઈ નામની વ્યક્તિની પુછપરછ કરીને નિવેદન લીધું હતું તેવી જ રીતે ધારીમાં આવેલા જીગ્નેશભાઈ કોટડીયાની ગૌશાળામાં પણ દરોડો પાડયો હતો. અને તેમનું પણ નિવેદન નોંધ્યું હતું.સીઆઈડીએ અત્યારસુધી જે કોઈ પ્રયત્નો કર્યા તેનો વિગતવાર અહેવાલ કોર્ટને આપ્યો છે અને નલીન કોટડીયાને પકડવા માટેના વોરન્ટની માંગણી કરી છે.