Cryptocurrency માર્કેટમાં પણ શેરબજારની જેમ કડાકો બોલી ગયો હતો. Bitcoin છેલ્લા ત્રણ મહિનાના સૌથી નીચલા સ્તરે પહોંચ્યો હતો અને Ether પણ ઘટ્યો હતો.
બિટકોઇનમાં શેરબજારની જેમ ઘટાડો
ત્રણ મહિનાના સૌથી નીચલા સ્તરે
યુએસ ફેડરલ રિઝર્વના સંકેત
ક્રીપ્ટો માર્કેટમાં ભારત સહિત દુનિયાભરમાં ઉથલપાથલ મચેલી છે. ગુરુવારે Bitcoin અને Ether જેવી મોટી મોટી ક્રીપ્ટો કરન્સીઝમાં જબરદસ્ત ઘટાડો નોંધાયો હતો.
3 મહિનાના સૌથી નીચલા સ્તરે
3 મહિનાના સૌથી નીચલા સ્તરે બિટકોઇન
બિટકોઇન તેના 3 મહિનાના સૌથી નીચલા સ્તરે પહોંચી ગયો હતો. Bitcoin ની વેલ્યૂ માં છેલ્લા 24 કલાકમાં 7% નો ઘટાડો થયો હતો. ભારતમાં એક ક્રીપ્ટો એક્સ્ચેન્જ પર આટલા સમયમાં 6.17 % નો ઘટાડો થયો હતો.
6.40 % ઘટાડો
ગુરુવારે બપોરે લગભગ બિટકોઈન 6.40% ઘટીને 34,71,537 રૂપિયાના સ્તરે પહોંચી ગયો હતો.
વૈશ્વિક બજારોમાં તેની કિંમત $43,000 આસપાસ ચાલી રહી છે. તમને જણાવી દઈએ કે આ પહેલા 21 ડિસેમ્બર 2021ના રોજ માર્કેટમાં ફ્લેશ ક્રેશ થયો હતો, ત્યારબાદ બિટકોઈન 34.96 લાખના સ્તરે આવી ગયો હતો. પરંતુ તે પહેલા 1 ઓક્ટોબર 2021ના રોજ આ સૌથી મોટી કરન્સીનું મૂલ્ય ઘટીને 32,16,694 રૂપિયાના સ્તરે પહોંચી ગયું હતું. આવી સ્થિતિમાં બિટકોઈન ત્રણ મહિનામાં સૌથી નીચા સ્તરે આવી ગયો છે.
ઈથરમાં પણ ઘટાડો
છેલ્લા 24 કલાકમાં ઈથરમાં પણ નવ ટકાથી વધુનો ઘટાડો થયો છે. છેલ્લા એક સપ્તાહમાં આ ચલણમાં 6.8 ટકાનો ઘટાડો જોવા મળ્યો છે. ગુરુવારે બપોરે, તેની કિંમત રૂ. 2,78,637ના સ્તરે 8.90% ઘટી હતી.
યુએસ ફેડરલ રિઝર્વે સંકેત આપ્યા
આ મોટો ઘટાડો ત્યારે આવ્યો છે જ્યારે યુએસ ફેડરલ રિઝર્વે સંકેત આપ્યા છે કે તે તેના વ્યાજ દરમાં સમય પહેલા વધારો કરી શકે છે. ફુગાવાને નિયંત્રિત કરવા અને અર્થતંત્રમાં વધુ સ્થિરતા લાવવા માટે, ફેડરલ બેંક દ્વારા બેંકો માટે ઉધાર લેવાનું મોંઘું કરી દેવામાં આવશે.
આ સમાચારે શેરબજારોને પણ આંચકો આપ્યો છે. તો સામે કઝાકિસ્તાન, કે જે બિટકોઈન નેટવર્ક પર હેશ પ્રવૃત્તિમાં સૌથી વધુ 18 ટકા હિસ્સો ધરાવે છે, તેમાં ઈન્ટરનેટ બંધ થઈ ગયું છે, જે પછી બીટીસીના હેશરેટમાં 13.4 ટકાનો ઘટાડો થયો છે, જેના કારણે બિટકોઈનની કિંમત પણ ઘટી છે.