બીટકોઈનના મુખ્ય સુત્રધાર દિવ્યેશ દરજી દિલ્હી એરપોર્ટથી કરાઇ ધરપકડ બુર્જ ખલિફામાં હતી ઓફિસ...

સુરતઃ બિટકોઈનના મુખ્ય સૂત્રધાર દિવ્યેશ દરજીને દિલ્હીથી ઝડપી પાડવામાં આવ્યો છે. દુબઈથી દિલ્હી આવતા સમયે તેની એરપોર્ટ પરથી ધરપકડ કરાઈ હતી. આ માસ્ટર માઈન્ડની જાણ સીઆઈડી ક્રાઈમ દ્વારા દેશભરમાં કરાઈ હતી. બિટકનેક્ટનો એશિયાનો દિવ્યશે દરજી હેડ હતો. નોટબંધી બાદ બિટકનેક્ટ નામની કંપનીની શરૂઆત કરી હતી. 2.80 કરોડ બિટકોઈન બજારમાં મુક્યા હતા.

જેમાંથી 1.80 કરોડના બિટકોઈન વહેચાયા હતા. દુબઈનું ફેમસ બિલ્ડીંગ બુર્જ ખલિફામાં તેને ઓફિસ ખરીદી હતી. દિવ્યેશને તેના કોલ લોકેશનથી ઝડપી પાડવામાં આવ્યો હતો. દિવ્યેશને પકડવા માટે તપાસમાં એક આઈ.પી.એસ અને એક પી.આઈ ગયા હતા.

દુબઇના બુર્જ ખલિફામાં ઓફિસ ખરીદી હતા ત્યારબાદ ત્યાં બિટકનેક્ટ નામની કંપની શરૂ કરી હતી. 2 કરોડ 80 લાખ બિટકોઇનમાંથી 1.80 કરોડ બીટકોઇન વેચ્યા હતા. વેચાણ સમયે 1 બિટકોઇનની કિંમત 362 ડોલર હતી.

ઉલ્લેખનીય છે કે શૈલેષ ભટ્ટના કરોડો રૂપિયા બિટકનેક્ટમાં ફસાયા હતા. જેમાં એક પછી એક નવા ચહેરાઓ સામે આવ્યા હતા. જેમાં દિવ્યેશ દરજીનું નામ સામે આવ્યું હતું. ત્યાર બાદ હાલ તેની દિલ્હી એરપોર્ટ પરથી ધરપકડ કરવામાં આવી છે. ત્યારે હજુ બીજા અનેક લોકોની સંડોવણી હોવાનો પર્દાફાશ થવાની શક્યતા છે.