બિટકોઇન તોડકાંડઃ ક્રિપ્ટો કરન્સીના નામે છેતરપીંડી કરનારા PI ડાભી સામે ફરિયાદ દાખલ

સુરત: ક્રિપ્ટો કરન્સીના નામે કામરેજ પોલીસ સ્ટેશનના પી.આઈ. એલ.બી ડાભીએ 14 કરોડની છેતરપીંડી કરતા ક્રાઈમબ્રાન્ચે આરોપી પી.આઈ સહિત ષડયંત્રકાર વિરૂદ્ધ ફરિયાદ નોંધી છે. કામરેજ પોલીસ સ્ટેશનના પી.આઈ એલ.બી ડાભીએ ચેતન ગંગાણી પાસેથી 14 કરોડ રૂપિયા ખોટી વેબસાઈટ બનાવીને પડાવ્યા હતા.

તો આ કાંડ પાછળ મુખ્ય ભેજાબાજ રોહિત કપોપરાએ ક્રિપ્ટો કરન્સી અને છેતરપીંડીનું ષડયંત્ર રચ્યું હતું. સુરત ક્રાઈમ બ્રાન્ચે હાલ તમામ આરોપીઓ સામે ફરિયાદ નોંધી આ દિશામાં કાયદેસરની કાર્યવાહી શરૂ કરી છે.

ચકચારી સુરત બિટકોઈન તોડકાંડ મામલે હવે નવો વળાંક સામે આવ્યો છે. 14 કરોડની રકમના બિટકોઈન કૌભાંડ મામલે હવે બિટકોઈન સહિત અન્ય રસન્સી નામે છેતરપીંડીની ફરિયાદ સરથાણા પોલીસ સ્ટેશનમાં નોંધાઈ છે.

કામરેજ પોલીસ સ્ટેશનના પી.આઈ ડાભી સહિત 6 લોકો સામે આ ફરિયાદ નોંધાઈ છે. તો સરથાણા પોલીસે પણ ફરિયાદને આધારે આ દિશામાં વધુ તપાસ હાથ ધરી છે.