કાર્યવાહી / અમદાવાદમાં લાઈસન્સ વિના LED બલ્બ બનાવતી કંપની પર દરોડા, બલ્બનો જથ્થો-વેચાણ બિલ સહિત ડિજિટલ ડેટા જપ્ત

• ISI માર્ક વિનાના LED બલ્બ બનાવતી કંપની પર દરોડા
• LED બલ્બ ઉત્પાદક શ્રીજી પાવર ટેક એકમ પર દરોડા
• બલ્બનો જથ્થો-વેચાણ બિલ સહિત ડિજિટલ ડેટા જપ્ત કર્યા

અમદાવાદમાં BIS (ભારતીય માનક બ્યુરો) દ્વારા ISI માર્ક વિનાના LED બલ્બ બનાવતી કંપની પર દરોડા પાડવામાં આવ્યા છે. BSI દ્વારા કંપનીમાં લાયસન્સને લઇ તપાસ હાથ ધરવામાં આવી છે. અમદાવાદના અસારવા ખાતે આવેલી એલઇડી બલ્બ ઉત્પાદક શ્રીજી પાવર ટેક એકમ પર દરોડા પાડવામાં આવ્યા હતા. કંપની BISના લાઈસન્સ વિના બલ્બનું ઉત્પાદન કરતી હતી. દરોડા દરમિયાન અધિકારીઓએ ખૂબ મોટી સંખ્યામાં સ્ટાન્ડર્ડ માર્ક વગરના એલઇડી બલ્બનો જથ્થો તેમજ વેચાણના બિલ સહિત કમ્પ્યૂટરમાંથી ડિજિટલ ડેટા જપ્ત કર્યો છે.

Gujarat: ISI માર્ક વિનાના LED બલ્બ બનાવતી કંપની પર દરોડા, અમદાવાદમાં LED બલ્બ ઉત્પાદક શ્રીજી પાવર ટેક એકમ પર દરોડા પાડતા બલ્બનો જથ્થો, વેચાણ બિલ સહિત કમ્પ્યુટરમાંથી ડિજિટલ ડેટા પણ જપ્ત કર્યો#Gujarat #LEDBulbs #Ahmedabad

— VTV Gujarati News and Beyond (@VtvGujarati) November 8, 2022

અસારવાના અષ્ટમંગલ એસ્ટેટ ખાતે શ્રીજી પાવરટેક પર દરોડા

ભારતીય માનક બ્યુરો (BIS) ના અધિકારીઓ દ્વારા બ્યુરો પાસેથી લાઈસન્સ લીધા વિના એલઇડી બલ્બના ઉત્પાદનમાં સંડોવણીની માહિતી સામે આવી હતી. જેના આધારે સોમવારે અસારવાના અષ્ટમંગલ એસ્ટેટ ખાતે આવેલા શ્રીજી પાવરટેક પર દરોડા પાડવામાં આવ્યા હતા.

લાઇસન્સ વિના ઉત્પાદન કરનારને થઇ શકે છે 2 વર્ષની જેલ અને દંડ

તમને જણાવી દઇએ કે, ભારતીય માનક બ્યુરોના માન્ય લાઇસન્સ વગર ઉત્પાદન કરનાર વિરૂદ્ધ બે વર્ષ સુધીની જેલ અને ઓછામાં ઓછાં રૂ. 2 લાખના દંડની જોગવાઇ રાખવામાં આવેલી છે.

- સુમિત સેંગર, ડાયરેકટર બ્યૂરો ઓફ ઇન્ડિયન સ્ટાર્ન્ડર્ડ