birthday special yami gautam who became famous with fair and lovely ad made a splash in bollywood today know special things related to her on her birthday
Happy Birthday Yami /
ફેયર એન્ડ લવલીથી ફેમસ થઈ, આજે જુઓ ક્યાં પહોંચી ગઈ આ અભિનેત્રી, Photos જોઈને થઈ જશો ફીદા
યામી ગૌતમનો સમાવેશ બોલીવુડની એવી અભિનેત્રીઓમાં થાય છે. જેણે નાના પડદા દ્વારા મોટા પડદા પરની યાત્રા કરી છે. આજે તેમનો જન્મદિવસ છે. આવો જાણીએ તેમના જન્મ દિવસે તેમના જીવન સાથે જોડાયેલી રોચક વાતો.
યામી ગૌતમનો આજે જન્મદિવસ
યામી ગૌતમનો જન્મ હિમાચલના બિલાસપુરમાં થયો
યામીએ ટીવી પર ખૂબ કામ કર્યુ, એડ ફિલ્મમાં પણ જોવા મળી
યામી ગૌતમનો જન્મ હિમાચલ પ્રદેશના બિલાસપુરમાં થયો હતો અને તેનું બાળપણ ચંડીગઢમાં વિત્યુ હતુ. તેના પિતાનું નામ મુકેશ ગૌતમ છે, જે પંજાબી ફિલ્મ નિર્દેશક છે. તેમની એક બહેન પણ છે. જેનું નામ સુરીલી ગૌતમ છે અને ફિલ્મોમાં કામ કરે છે. તેમણે રૂપેરી પડદા પર પંજાબી ફિલ્મ પાવર કટથી શરૂઆત કરી હતી. યામીએ કાયદા ક્ષેત્રે માન્યતા પ્રાપ્ત ડિગ્રી પ્રાપ્ત કરી છે.
યામીએ ટીવી પર પણ ખૂબ કામ કર્યુ છે. આ સાથે એડ ફિલ્મમાં પણ જોવા મળી હતી. ચાંદ કા પાર ચલો, રાજકુમાર આર્યન, યે પ્યાર ના હોગા કમ, મીઠી છૂરી અને સીઆઈડીના પણ એક એપિસોડમાં જોવા મળી છે. તેમને ફેયર એન્ડ લવલી એડ દ્વારા વધુ ઓળખ મળી હતી. યામી ગૌતમે પોતાની ફિલ્મી કારકિર્દીની શરૂઆત ઉલ્લાસા ઉત્સાહાથી કરી હતી. આ એક કન્નડ ફિલ્મ હતી. ત્યારબાદ તેમણે એક પંજાબી ફિલ્મ એક નૂરમાં કામ કર્યુ હતુ. તેમણે બોલીવુડમાં 'વિક્કી ડોનર'થી શરૂઆત કરી હતી. આ ફિલ્મમાં આયુષ્માન ખુરાનાએ પણ ડેબ્યુ કર્યુ હતુ. આ ફિલ્મને સુજીત સરકારે ડાયરેક્ટ કરી હતી.
ત્યારબાદ યામી ગૌતમની કારકિર્દીમાં ઉછાળો આવ્યો. તેમને મોટી-મોટી ફિલ્મો મળવા માંડી. ટોટલ સિયાપા, એક્શન જૈક્શન, બદલાપુર, સનમ રે, જુનૂનીયત, કાબિલ, સરકાર 3, બત્તી ગુલ મીટર ચાલુ, ઉરી ધ સર્જિકલ સ્ટ્રાઈક, બાલા અને આ વર્ષે તેઓ ભૂત પોલીસમાં જોવા મળી હતી. તેમની ઘણી ફિલ્મો રિલીઝ થવાની છે. અભિષેક બચ્ચનની સાથે 'દસમી'માં જોવા મળશે.
યામી ગૌતમે 4 જૂન 2021ના રોજ નિર્દેશક આદિત્ય ધર સાથે લગ્ન કર્યા. બંનેની વચ્ચે ઘણાં સમયથી નિકટતા હતી. યામીએ આદિત્ય ધરની ફિલ્મ ઉરી ધ સર્જિકલ સ્ટ્રાઈકમાં કામ કર્યુ હતુ. આ દરમ્યાન બંને એકબીજાની નજીક આવ્યાં હતા. બંનેના લગ્નની ખૂબ ચર્ચા થઇ હતી. આ બંનેની જોડીને ખૂબ પસંદ કરવામાં આવી છે.