શાનદાર એક્ટિંગ અને દમદાર ફાઈટિંગ સીન્સના દમ પર સાઉથ ઈન્ડસ્ટ્રીમાં ખાસ મુકામ હાંસલ કરનાર એક્ટર જૂનિયલ એનટી રામા રાવ આજે તેનો 37મો જન્મદિવસ સેલિબ્રેટ કરી રહ્યો છે. જૂનિયર એનટી રામા રાવનું નામ નંદમૂરી તારક રામા રાવ છે. 1983માં હૈદરાબાદમાં જન્મેલો તારક પોપ્યુલર એક્ટર અને આંધ્રપ્રદેશના સીએમ રહી ચૂકેલા એનટી રામા રાવનો પૌત્ર છે.
સાઉથ ઈન્ડસ્ટ્રીમાં પોતાની એક્ટિંગથી લોકોના દિલ પર રાજ કરે છે જૂનિયર એનટીઆર
એક ફિલ્મના લે છે આટલા કરોડ રૂપિયા
ભાગ્યે જ કોઈ તેનું અસલી નામ જાણતું હશે
બાળ કલાકાર તરીકે શરૂ કર્યું હતું કરિયર
જૂનિયર એનટીઆર સાઉથના લોકપ્રિય સ્ટાર્સમાંથી એક છે. તેણે સૌથી પહેલાં 1991માં રિલીઝ થયેલી ફિલ્મ બ્રહ્મર્ષિ વિશ્વમિત્રમાં એક બાળ કલાકાર તરીકે કામ કર્યું હતું. ત્યારબાદ તેમણે વર્ષ 1996માં તેલુગૂ ફિલ્મ રામાયણમમાં પણ એક બાળ કલાકારની ભૂમિકા ભજવી હતી. આ ફિલ્મ માટે તેને બેસ્ટ ચિલ્ડ્રન્સ ફિલ્મનો નેશનલ ફિલ્મ એવોર્ડ પણ મળ્યો હતો.
જૂનિયર એનટી રામા રાવના દાદાનું નામ એનટી રામા રાવએ તેની પહેલી ફિલ્મ ડિરેક્ટ કરી હતી. બહુ ઓછાં લોકો આ વાતને જાણે છે કે, જૂનિયર રામા રાવનું અસલી નામ તારક છે. બન્યું એવું કે, તેની પહેલી ફિલ્મ રિલીઝ થયા બાદ ફેન્સ તેને જૂનિયર એનટીઆર કહીને સંબોધવા લાગ્યા અને બસ પછી આ જ તેનું સ્ક્રીનનેમ થઈ ગયું અને તે આ જ નામથી ફેમસ થઈ ગયો.
વર્ષ 2010માં એક વકીલે જૂનિયર રામા રાવ સામે ચાઈલ્ડ મેરેજ એક્ટ હેઠળ કેસ દાખલ કર્યો હતો. હકીકતમાં એનટીઆર જૂનિયર લક્ષ્મી પ્રનથી સાથે લગ્ન કરવા માંગતો હતો. ત્યારે તેની ઉંમર મમાત્ર 17 વર્ષની જ હતી. જેથી તેના વિરૂદ્ધ કેસ કરાયા બાદ તેણે 2011માં જ્યારે લક્ષ્મી 18 વર્ષની થઈ ત્યારે તેની સાથે લગ્ન કર્યા હતા. લક્ષ્મી નાર્ને શ્રીનિવાસ રાવની દીકરી છે. જે પ્રસિદ્ધ તેલૂગુ સમાચાર ચેનલ સ્ટૂડિયો એના માલિક છે.
વર્ષ 2009માં એક રોડ એક્સિડેન્ટમાં જૂનિયર રામા રાવ ગંભીર રીતે ઘાયલ થઈ ગયો હતો. આ અકસ્માત એટલો ભયંકર હતો કે, જેણે પણ આ અકસ્માત જોયો હતો, તેઓ એવું જ કહેતા હતા તે આ અકસ્માતમાં કોઈ બચી શક્યો નહીં હોય, પરંતુ લોકોની પ્રાર્થનાઓથી જૂનિયર મોતના માત આપીને પરત આવ્યો. હકીકતમાં સામાન્ય ચૂંટણી દરમિયાન તેલુગૂ દેશમ પાર્ટીના પ્રચારથી તે પરત આવી રહ્યો હતો, ત્યારે તેની કારનું નલગોંડામાં સૂર્યઅપેમાં એક્સીડેન્ટ થઈ ગયું હતું.
જૂનિયર રામા રાવ તેની જબરદસ્ત એક્ટિંગ અને અદભૂત ફાઈટિંગ સીન્સથી દર્શકોનું દિલ જીતી લે છે. તેની ફિલ્મના એક-એક સીન પર દર્શકો ખૂબ એન્ટરટેઈન થાય છે. એક રિપોર્ટ મુજબ જૂનિયર એનટીઆર એક ફિલ્મ માટે 18થી 20 કરોડ રૂપિયા ફી લે છે.