સદીના મહાનાયાક અમિતાભ બચ્ચન પોતાનો બર્થ ડે સેલિબ્રેટ કરી રહ્યા છે. અમિતાભ બચ્ચને 77 વર્ષના થઇ ગયા છે અને તેમના ફેન્સ આ ખાસ દિવસને લઇને ઉત્સાહમાં છે. અમિતાભ બચ્ચન જેટલા સારા એક્ટર છે એટલા જ સારા વક્તા છે. જોકે અમિતાભ બચ્ચન આજે જ્યાં છે ત્યાં તેમના માટે પહોંચવું સરળ ન હતુ. આજે તેમની પાસે કરોડોની સંપત્તિ છે પરંતુ અમિતાભ બચ્ચનની પહેલી સેલેરી કેટલી છે જાણો છો?
સદીના મહાનાયક અમિતાભ બચ્ચનની બર્થ ડે
અમિતાભ બચ્ચન છે કરોડોની સંપત્તિના માલિક
વાસ્તવમાં અમિતાભ બચ્ચન પોતાના એક ઇન્ટરવ્યૂમાં જણાવ્યુ કે, ''મેં જ્યારે કોલકાતામાં નોકરી શરૂ કરી હતી ત્યારે મારો પગાર 500 રૂપિયા હતો.''
મીડિયા રિપોર્ટ્સ અનુસાર, અમિતાભ બચ્ચનની 28 અબજથી વધારાની નેટવર્થ છે. 2015માં ફોર્બ્સ અનુસાર, તેમની 33.5 મિલિયન ડૉલર નેટ વર્થ હતી. તો અમિતાભ બચ્ચનની પત્ની અને સમાજવાદી પાર્ટીના સાસંદ જયા બચ્ચને પણ પોતાની કુંલ સંપત્તિ વિશે જણાવ્યુ હતુ.
નાંમાકન દરમિયાન જયાની તરફથી દાખલ કરવામાં આવેલા શપથપત્ર અનુસાર, જ્યા અને પતિ અમિતાભ બચ્ચન પાસે 10.01 અબજ રૂપિયાની સંપત્તિ છે, ગત 6 વર્ષો દરમિયાન અમિતાભ અને જયાની પ્રોપર્ટી ડબલ થઇ ચૂકી છે. 2012માં આ સ્ટાર કપલની કુલ સંપત્તિ લગભગ 500 કરોડ રૂપિયા હતી અને આ વર્ષે પ્રોપર્ટી 1000 કરોડ રૂપિયા સુધીની થઇ ગઇ છે.
શપથપત્ર અનુસાર, આ કપલની પાસે 460 કરોડ રૂપિયાથી વધારેની અચલ સંપત્તિ છે, જે 2012મની સરખામણીએ 152 કરોડ રૂપિયાથી બમણીથી વધારે છે. આજ રીતે ચલ સંપત્તિની વાત કરવામાં આવે તો મૂલ્ય 2012માં લગભગ 342 કરોડ રૂપિયાથી વધીને લગભગ 540 કરોડ રૂપિયા હતુ. બંનેની ઘણી દેશોમાં બેંકોમાં એકાઉન્ટ છે જેમાં કરોડો રૂપિયા છે.
રિપોર્ટ અનુસાર, અમિતાભ અને જયાની પાસે લગભગ 62 કરોડ રૂપિયાનું ગોલ્ડ અને જ્વેલરી છે. ચોંકાવનારી વાત એ છે કે, આ મામલામાં અમિતાભે જયા બચ્ચનને પાછળ છોડી દીધા છે. જ્યાં જયાના નામે 26 કરોડ રૂપિયાની જ્વેલરી છે તો અમિતાભ બચ્ચનના નામે 36 કરોડ રૂપિયાથી વધારેની જ્વેલરી છે.
અમિતાભ બચ્ચન 13 કરોડની 12 ગાડીઓના માલિક છે, જેમાં રૉલ-રૉયસ, 3 મર્સિડીઝ, એક પોર્શ અને એક રેન્જ રોવર શામેલ છે. આ સિવાય અમિતાભ બચ્ચન પાસે એક ટાટા નેના અને ટ્રેક્ટર પણ છે.
આમ તો ફિલ્મોથી મળેલી સેલેરીની વાત કરવામાં આવે તો અમિતાભ બચ્ચનની પહેલી ફિલ્મ કે.એ. અબ્બાસની સાત હિંદુસ્તાની છે. આ ફિલ્મ માટે અમિતાભ બચ્ચનને 5000 રૂપિયા મળ્યા હતા, જોકે ફિલ્મ બોક્સ ઑફિસ પર કમાલ ના કરી શકી, પરંતુ આ ફિલ્મ માટે અમિતાભ બચ્ચને એક એવોર્ડ મળ્યો હતો.
આ સિવાય અમિતાભ બચ્ચને ટેલિવિઝનના પૉપ્યુલર ક્વિઝ શો 'કોન બનેગા કરોડપતિ' માં સ્પષ્ટ કર્યુ હતુ કે, મારા મૃત્યુ પછી મારી તમામ સંપત્તિ દિકરી અને દિકરાને મળશે. અમિતાભ બચ્ચનને 2 બાળક છે. અભિષેક અને શ્વેતા બચ્ચન.