બર્થડે / 'કયામત સે કયામત તક' નહીં પણ આ હતી આમિરની પહેલી ફિલ્મ, આપ્યો હતો ફર્સ્ટ કિસિંગ સીન

• આમિર ખાનથી જોડાયેલી અજાણી વાતો
• 'કયામત સે કયામત તક' તેની ડેબ્યૂ ફિલ્મ નહોતી
• તેને ડિરેક્ટર કેતન મહેતાની ફિલ્મ હોલીથી બ્રેક મળ્યો હતો

ચાઈલ્ડ આર્ટિસ્ટ તરીકે એક્ટિંગ કરિયરની શરૂઆત કરનાર આમિર ખાને લીડ એક્ટર તરીકે 'કયામત સે કયામત તક' ફિલ્મથી નહીં પરંતુ ડિરેક્ટર કેતન મહેતાની ફિલ્મ હોલીથી બ્રેક મળ્યો હતો. આ ફિલ્મ કોલેજ લાઈફ પર આધારિત હતી. 

હોલી એક કોમર્શિયલ ફિલ્મ નહોતી અને આ જ કારણથી લોકોએ આ ફિલ્મ વધુ નોટિસ કરી નહોતી. આમિર ખાનના હોલી ફિલ્મના લુક્સને જોઈને તમે આમિરને ઓળખી નહીં શકો. આ ફિલ્મમાં આમિરની સાથે ડિરેક્ટર આશુતોષ ગોવારિકરે એક્ટર તરીકે કામ કર્યું હતું. 

આમિર ખાન અને આશુતોષ ગોવારિકરની મિત્રતા આ જ ફિલ્મ પછી શરૂ થઈ હતી. પછી આ બંનેએ ફિલ્મ બાજી (1995) અને લગાનમાં સાથે કામ કર્યું. ફિલ્મ હોલીમાં જ આમિરે પ્રથમ કિસિંગ સીન આપ્યો હતો. આમિર ખાનના ડિરેક્શનમાં બનેલી ફિલ્મ તારે જમીન પરના લેખક અને આસિસ્ટન્ટ ડિરેક્ટર અમોલ ગુપ્તેએ પણ હોલીમાં સાથે કામ કર્યું હતું. ડિરેક્ટર મહેશ એલકુંચવારની મરાઠી ફઇલ્મ 'હોલી' પર આમિરની ફિલ્મ હોલી આધારિત હતી. 

આ ફિલ્મમાં આમિર ખાનને આમિર હુસેનના નામથી ક્રેડિટ આપવામાં આવ્યું હતું. હકીકતમાં આમિરના પિતાનું નામ તાહિર હુસેન હતું. એટલે આ નામ રખાયું હતું. ખાસ વાત એ છે કે આમિર ખાનના પિતા તાહિર નહોતા ઈચ્છતા કે આમિર ફિલ્મોમાં કામ કરે. ફિલ્મ હોલીની શૂટિંગ પૂણે ફિલ્મ એન્ડ ટેલિવિઝન ઈન્સ્ટીટ્યૂટ ઓફ ઈન્ડિયા (FTII) અને ફગર્યુસન કોલેજમાં થઈ હતી. ડિરેક્ટર કેતન મહેતાએ ફગર્યુસન કોલેજથી અભ્યાસ કર્યો હતો. તેને (FTII)ના બાળકો માટે વર્કશોપ તરીને બનાવવામાં આવ્યો હતો. 

આમિર ખાન ફિલ્મ હોલીની લઈને આશુતોષ સાથે મજાક કરતા કહે છે આ ફિલ્મમાં આશુતોષનો રોલ  તેના કરતા મોટો હતો અને આ એકમાત્ર એવી ફિલ્મ છે જેમાં આશુતોષો લોકોનું ધ્યાન ખેંચ્યું. 

ઉલ્લેખનીય છે કે આમિરને ઓળખ તો કયામત સે કયામત તક ફિલ્મથી મળી અને બધાંને એવું લાગ્યું કે આ આમિરની ડેબ્યૂ ફિલ્મ હતી. કયામત સે કયામત તકની સફળતા બાદ આમિરે બોલિવૂડમાં અનેક મોટી ફિલ્મોમાં કામ કર્યું અને મિસ્ટર પરફેક્શનિસ્ટ બની ગયો આમિર ખાન આજે એક એક્ટર હોવાની સાથે ડિરેક્ટર અને પ્રોડ્યૂસર પણ છે. આ સિવાય તેણે કેટલીક ફિલ્મોમાં ગીત પણ ગાયા છે. આમિરની ફિલ્મો માત્ર ભારતમાં જ નહીં પણ ચીનમાં પણ લોકપ્રિય છે.