આ ઘટના તમારા અને તમારા જીવન સાથે પણ સંબંધ રાખે છે. આપણે પણ પરિવારજનોના જન્મ દિવસે સ્પાર્કલ કેન્ડલ પ્રગટાવીએ છીએ અને આ કેન્ડલના ઝગઝગાટમાં ખૂબ ધામધૂમપૂર્વક જન્મ દિવસની ઉજવણી કરીએ છીએ. પરંતુ હવે તમારે સાવધાન થવુ જોઈએ.
બર્થ ડે પાર્ટીમાં દુર્ઘટના
કેકની સ્પાર્કલ કેન્ડલમાં વિસ્ફોટ
દસ વર્ષનો બાળક થયો ઘાયલ
કારણકે કેક પર લગાવવામાં આવતી સ્પાર્કલ કેન્ડલમાં બ્લાસ્ટ થવાથી એક દસ વર્ષનો બાળક ખૂબ ઘાયલ થયો છે.
સ્પાર્કલ કેન્ડલમાં બ્લાસ્ટ
મહારાષ્ટ્રના ચંદ્રપુર જિલ્લામાં રૂંવાડા ઉભા કરી નાખે તેવી ઘટના સામે આવી છે. અહીં એક બર્થડે પાર્ટી દરમ્યાન કેક પર લગાવવામાં આવતી સ્પાર્કલ કેન્ડલ બ્લાસ્ટ થઇ ગઇ. દુર્ઘટનામાં એક બાળક ખૂબ ખરાબ રીતે ઘાયલ થયો. વિસ્ફોટમાં નિર્દોષના ગાલ અને જીભ ફાટી ગઇ. ત્રણ ડૉકટરોએ પાંચ કલાક સુધી સર્જરી કરી અને ટાંકા લગાવ્યાં. જો કે, હાલ બાળકની સ્થિતિ જોખમથી બહાર છે. આ દુર્ઘટનામાં વિચાર કરવા જેવી બાબત એ છે કે સ્પાર્કલ કેન્ડલને પ્રગટાવવાથી આશરે 4 કલાક બાદ વિસ્ફોટ થયો. જણાવવામાં આવ્યું છે કે બાળક આ પ્રગટાયેલી મીણબત્તીથી રમી રહ્યો હતો ત્યારે વિસ્ફોટ થયો.
બાળક થયો ઘાયલ અને જીભ ફાટી ગઇ
આ ઘટના ચંદ્રપુરના ચિમૂર તહસીલના ભિસિ ગામની છે. ગામમાં એક પરિચિતના ત્યાં જન્મ દિવસનો કાર્યક્રમ હતો. 10 વર્ષનો આરંભ ડોંગરે તેના માતા-પિતાની સાથે જન્મ દિવસની પાર્ટીમાં ગયો હતો. રંગેચંગે પાર્ટીનુ આયોજન કરવામાં આવ્યું હતુ. સ્પાર્કલ મીણબત્તીની ઝગમગાતી રોશનીમાં કેક કાપવામાં આવી. ભેટ પણ આપવામાં આવી. પાર્ટીમાં આવેલા લોકો ભોજનનો સ્વાદ લઇ રહ્યાં હતા. બાળકો એકબીજા સાથે રમી રહ્યાં હતા. 10 વર્ષનો આરંભ ડોંગરે પણ પાર્ટી દરમ્યાન રમી રહ્યો હતો ત્યારે બળી ગયેલી સ્પાર્કલ કેન્ડલ જોઇ તો પોતાના હાથથી રમવા લાગ્યો. આ દરમ્યાન કેન્ડલમાં વિસ્ફોટ થયો અને બાળક ઘાયલ થયો અને તેનો ગાલ અને જીભ ફાટી ગઇ.
તબીબોએ સર્જરી કર્યા બાદ બાળકનો જીવ બચ્યો
આ ઘટનાથી પાર્ટીમાં ઉજવણીનો માહોલ અસ્થિર થઇ ગયો. ગામમાં કોઈ હોસ્પિટલની સુવિધા ન હતી. તો ઘાયલ બાળકને 50 કિલોમીટર દૂર બહ્મપુરીના આસ્થા હોસ્પિટલમાં દાખલ કરવામાં આવ્યો. નાની ઉંમર અને લોહી વધારે વહી જવાથી સ્થિતિ ગંભીર થતી હતી. આસ્થા હોસ્પિટલના પ્લાસ્ટિક સર્જન ડૉ. શ્રીકાંત પેરકા, ડૉ. સુમિત જયસ્વાલ, ડૉ. પંકજે પાંચ કલાક સુધી સર્જરી કરી અને થોડા ટાંકા લગાવ્યા બાદ બાળકનો જીવ બચી ગયો.