એજબેસ્ટોન ટેસ્ટના ચોથા દિવસે સ્ટેન્ડમાં બેઠેલા ભારતીય પ્રેક્ષકોની સાથે ઈંગ્લિશ ચાહકોના એક જૂથે ગેરવર્તણૂંક કરી હતી. તેમણે અભદ્ર ટિપ્પણીઓ કરી હતી.
એજબેસ્ટોન ટેસ્ટના ચોથા દિવસે ભારતીયો પર થઇ ગેરવર્તણૂક
ઘણાં ઈંગ્લિશ ચાહકોએ ભારતીયને કહ્યા પાકિસ્તાની
આરોપીની કસ્ટડીમાં પૂછપરછ કરવામાં આવી રહી છે
ગેરવર્તણૂંક કરવામાં આવી
ટીમ ઇન્ડિયાએ તાજેતરમાં ઇંગ્લેન્ડ સામે એજબેસ્ટન ટેસ્ટ રમ્યો હતો, જેમાં તેનો 7 વિકેટે પરાજય થયો હતો. મેચના ચોથા દિવસે (4 જુલાઈ) સ્ટેન્ડમાં બેઠેલા ભારતીય દર્શકો સાથે કેટલાક ઈંગ્લિશ ચાહકોએ ગેરવર્તણૂંક કરી હતી. તેમની સાથે દુર્વ્યવહાર કરવામાં આવ્યો હતો અને તેમને પાકિસ્તાની પણ કહેવામાં આવ્યા હતા.
તપાસ શરુ કરી
ઈંગ્લિશ ફેન્સના એક ગ્રુપે ભારતીય ચાહકો અંગે અભદ્ર કોમેન્ટ્સ કરી હતી, જેની ફરિયાદો ટ્વીટરના માધ્યમથી સામે આવી હતી, જે પછી એજબેસ્ટોનના સત્તાધીશો અને ઈંગ્લેન્ડ એન્ડ વેલ્સ ક્રિકેટ બોર્ડ (ECB)એ આ મામલે નોંધ લઈને તપાસ શરુ કરી હતી.
#ARREST | A 32-year-old man has been arrested for a racially aggravated public order offence after reports of racist, abusive behaviour at the test match in #Birmingham on Monday. He remains in custody for questioning. pic.twitter.com/ROp6PVUsUz— Birmingham Police (@BrumPolice) July 8, 2022
વંશીય વિવાદ બદલ શખ્સની ધરપકડ
હવે આ કેસમાં એક નવી જાણકારી આવી છે કે, ગેરવર્તન કરનાર અંગ્રેજી ફેન ગ્રુપના એક વ્યક્તિની બર્મિંગહામ પોલીસે ધરપકડ કરી છે. આ માહિતી ખુદ બર્મિંઘમ પોલીસે પણ ટ્વિટ કરીને આપી હતી. આ શખ્સની અટકાયત કરી પૂછપરછ કરવામાં આવી રહી છે. તપાસ બાદ આ કેસમાં અનેક ખુલાસા થઇ શકે છે. "આરોપીની કસ્ટડીમાં પૂછપરછ કરવામાં આવી રહી છે"
એજબેસ્ટન ટેસ્ટના ચોથા દિવસે શું થયું?
બર્મિંઘમ પોલીસે ટ્વિટ કરીને લખ્યું, "એક 32 વર્ષીય વ્યક્તિની ધરપકડ કરવામાં આવી છે. વંશીય વિવાદના કેસમાં તેની અટકાયત કરવામાં આવી છે. બર્મિંઘમમાં રમાયેલી ટેસ્ટ મેચ દરમિયાન રંગભેદની ટિપ્પણી અને અપશબ્દોના મામલે સોમવારે રિપોર્ટ લેવામાં કરવામાં આવ્યો હતો. તે અંતર્ગત આ કાર્યવાહી કરવામાં આવી હતી. તેને કસ્ટડીમાં લેવામાં આવી રહ્યો છે અને તેની પૂછપરછ કરવામાં આવી રહી છે." હકીકતમાં એજબેસ્ટન ટેસ્ટનો ચોથો દિવસ ચાલી રહ્યો હતો, ત્યારે ટ્વીટર પર ઘણી ફરિયાદો સામે આવી હતી, જે મેદાનમાં બેઠેલા દર્શકોએ કરી હતી. આમાંથી એક ટ્વીટમાં અંગ્રેજી ચાહકોના એક જૂથે ભારતીયો પર કેવી રીતે બીભત્સ ટિપ્પણીઓ કરી તેનો ઉલ્લેખ કરવામાં આવ્યો હતો.
Racist behaviour at @Edgbaston towards Indian fans in block 22 Eric Hollies. People calling us Curry C**ts and paki bas****s. We reported it to the stewards and showed them the culprits at least 10 times but no response and all we were told is to sit in our seats. @ECB_cricketpic.twitter.com/GJPFqbjIbz— Trust The Process!!!! (@AnilSehmi) July 4, 2022
ઈંગ્લેન્ડ ક્રિકેટ બોર્ડે આ કેસમાં શું કહ્યું?
ફરિયાદ તરીકે ટવીટમાં લખવામાં આવ્યું છે કે, "એડબેસ્ટનના બ્લોક 22 એરિક હોલિસમાં ભારતીય ફેન્સ વિરુદ્ધ વંશીય ટિપ્પણી કરવામાં આવી છે. લોકોએ અમને ખરાબ શબ્દો કહેતા હતા અને પાકિસ્તાની...... બોલાવતા હતા. અમે ગાર્ડને આ વિશે જણાવ્યું અને જે આવું કરી રહ્યા હતા તેને દસ વાર બતાવ્યો હતો તેની ઓળખ કરી, પરંતુ તેનાથી કોઈ ફરક પડ્યો નહીં અને અમને અમારી સીટ પર બેસવાનું કહેવામાં આવ્યું." યુઝર્સ લખે છે કે "અમે અમારી સાથે આવેલી મહિલાઓ અને બાળકોની સલામતી માટે ચિંતિત હતા, પરંતુ કોઈ મદદ પૂરી પાડવામાં આવી ન હતી." ટ્વીટના જવાબમાં, ઇંગ્લેન્ડ ક્રિકેટે જવાબ આપ્યો, "અમે આવા કોઈપણ કૃત્યનું સમર્થન કરતા નથી અને દરેક રીતે તેની નિંદા કરીએ છીએ. અમે શક્ય તેટલી વહેલી તકે આ મામલાની તપાસ કરીશું."