તુર્કીના વિનાશકારી ભૂકંપ પહેલા પક્ષીઓ ગભરાટમાં આકાશમાં આમથી તેમ ઉડતાં જોવા મળ્યાં હતા જેની પરથી લાગી રહ્યું છે પક્ષીઓને ભૂકંપની આગોતરી જાણ થઈ જાય છે.
પશુ-પંખીઓ પહેલેથી પારખી લે છે કુદરતી આફત
તુર્કી ધરતીકંપના કિસ્સામાં પણ સાચું પડ્યું
ભૂકંપ પહેલા આકાશમાં ગભરાટમાં દેખાયા પક્ષીઓ
છઠ્ઠી ઈન્દ્રીયના જોરે પશુ-પંખીઓને બનતાં પહેલા કુદરતી આફતનો અણસાર આવી જતો હોય છે અને રુટીન દિવસ કરતાં જો કોઈ દિવસે તેમનું વર્તન અસાધારણ જણાય તો ચેતી જવાની જરુર છે. તુર્કીના ભૂકંપમાં પણ આ વાત સાચી પડેલી જણાય છે.
આનંદ મહિન્દ્રા સહિતના ઘણાએ આ ઘટનાને ગણાવી ચેતવણીરુપ
એક્સપર્ટ તો અનેક દાવા કરી રહ્યા છે, પરંતુ સોશિયલ મીડિયા પર એક વીડિયો વાયરલ થઇ રહ્યો છે, જે ચર્ચાના કેન્દ્રમાં આવી ગયો છે. આ બતાવે છે કે પક્ષોને આ ભયંકર દુર્ઘટનાનો અહેસાસ થઈ ચૂક્યો હતો. તેમણે ચેતવણી પણ આપી હતી. તમને આશ્ચર્ય થયું હશે, પરંતુ પ્રખ્યાત ઉદ્યોગપતિ આનંદ મહિન્દ્રા, આઈએફએસ પરવીન કાસવાન સહિત ઘણા લોકોએ તેને ચેતવણી ગણાવી છે. ટ્વિટર પર આ વીડિયોને સૌથી પહેલા જિયોપોલિટિકલ સિક્યોરિટી સાથે જોડાયેલી ચેનલ @OsintTV એકાઉન્ટથી શેર કરવામાં આવ્યો હતો. તે પછી ઉદ્યોગપતિ આનંદ મહિન્દ્રાએ તેને શેર કરી હતી. તેણે કેપ્શન લખ્યું છે. નેચર એલાર્મ સિસ્ટમ! પરંતુ આપણે તેને સાંભળવા માટે પ્રકૃતિ સાથે એટલા જોડાયેલા નથી.
ભૂકંપ પહેલા પક્ષીઓ કરવા લાગ્યા અજીબ વર્તન
વીડિયોમાં તૂર્કીના આકાશમાં પક્ષીઓનો અવાજ સંભળાય છે અને જોઈ શકાય છે. હજારો પક્ષીઓ શહેર પર ફરતા અને અવાજ કરતા જોઇ શકાય છે. દાવો છે કે આ વીડિયો તુર્કીમાં આવેલા વિનાશક ભૂકંપના થોડા સમય પહેલાનો છે. એવું કહેવામાં આવી રહ્યું છે કે પક્ષીઓને આ હોનારતની જાણ હતી અને તેઓએ એલર્ટ પણ કર્યું હતું. વીડિયો સાથે કેપ્શનમાં લખ્યું છે, તુર્કીમાં આવેલા ભૂકંપ પહેલા જ પક્ષીઓમાં અજીબ વર્તન જોવા મળ્યું હતું.
તુર્કી સહિતના દેશોમાં ભૂકંપ આવશે તેવી ડચ વૈજ્ઞાનિકની આગાહી સાચી પડી
વીડિયોમાં જોવા મળી રહ્યું છે કે રાત છે, અને તુર્કીમાં પણ વહેલી સવારે ભૂકંપ આવ્યો હતો. પહેલો ભૂકંપ 7.8ની તીવ્રતાનો હતો. ત્યારબાદ બીજો ભૂકંપ આવ્યો, જેની તીવ્રતા 7.6 હતી. સૌથી વધુ નુકસાન તુર્કીમાં થયું હતું. આ વીડિયોને 22 લાખથી વધુ વખત જોવામાં આવ્યો છે. આ પહેલા ડચ વૈજ્ઞાનિક ફ્રેન્ક હોગરબેટ્સે 3 ફેબ્રુઆરીએ ટ્વીટ કર્યું હતું. આમાં તેમણે ભૂકંપની આગાહી કરી હતી. "દક્ષિણ મધ્ય તુર્કી, જોર્ડન, સીરિયા અને લેબેનોનમાં 7.5 ની તીવ્રતાનો ભૂકંપ આવવાની સંભાવના છે. તેની આગાહીઓ સાચી પડી.