સેના પ્રમુખ જનરલ બિપિન રાવતને દેશના પહેલા ચીફ ઓફ ડિફેન્સ સ્ટાફ (CDS) બનાવવામાં આવ્યા છે. હાલમાં જ કેન્દ્ર સરકારે ચીફ ઓફ ડિફેન્સ સ્ટાફનો કાર્યકાળ 3 વર્ષ માટે વધાર્યો છે. હવે ચીફ ઓફ ડિફેન્સના રિટાયર થવાની ઉમંર 65 વર્ષ રહેશે. 65 વર્ષની ઉમંર પૂર્ણ થયા બાદ જ આ પદ પરથી સીડીએસ રિટાયર થશે. પહેલા 62 વર્ષે જ રિટાયર થવાની જોગવાઇ હતી.
જનરલ બિપિન રાવત દેશના પહેલા સીડીએસ બનાવાયા
કેન્દ્ર સરકારે ચીફ ઓફ ડિફેન્સ સ્ટાફનો કાર્યકાળ 3 વર્ષ માટે વધાર્યો
સીડીએસ રક્ષામંત્રીના મુખ્ય સૈન્ય સલાહકાર હશે
ચીફ ઓફ ડિફેન્સ સ્ટાફની જવાબદારી ત્રણેય સેનાઓ સાથે જોડાયેલા મામલાઓમાં રક્ષામંત્રીને સલાહ આપવાનું છે. સીડીએસ જ રક્ષામંત્રીના મુખ્ય સૈન્ય સલાહકાર હશે. જોકે, સૈન્ય સેવાઓથી જોડાયેલા વિશેષ મામલાઓમાં ત્રણેય સેનાઓના ચીફ પહેલાની જેમ રક્ષામંત્રીને સલાહ આપતા રહેશે.
ચીફ ઓફ ડિફેન્સ સ્ટાફ સૈન્ય અભિયાન દરમિયાન ત્રણેય સેનાઓ વચ્ચે સંતુલન સાધવાનું કામ કરશે. ચીફ ઓફ ડિફેન્સ સ્ટાફના પદ પર 4 સ્ટાર જનરલ રેન્કના સૈન્ય અધિકારીને નિયુક્ત કરવામાં આવ્યા. ચીફ ઓફ ડિફેન્સ સ્ટાફને ત્રણેય સેનાઓના પ્રમુખોની જેટલી જ સેલરી આપવામાં આવશે.
નોંધનીય છે કે, કેન્દ્ર સરકારે ચીફ ઓફ ડિફેન્સ સ્ટાફ પદની મંજૂરી આપી હતી. ચીફ ઓફ ડિફેન્સ રક્ષા સચિવની મંજૂરી વિના રક્ષા મંત્રી સાથે સીધા મુલાકાત કરી શકશે.