હાલ અભિનેત્રી બિપાશા બસુએ તેના પતિ કરણ સિંહ ગ્રોવર સાથે સોશ્યલ મીડિયા પર એક તસવીર શેર કરી છે અને તેના પ્રેગ્નેન્સીની ખુશખબરી લોકો સાથે શેર કરી છે.
બિપાશા બસુજલ્દી જ મા બનવા જઈ રહી છે
'અમે બે હતા અને હવે ત્રણ થવા જઈ રહ્યા છીએ.' - બિપાશા
બોલીવુડની ઘણી અભિનેત્રીઓ પ્રેગ્નેટ છે હવે સોનમ અને આલિયા પછી વધુ એક અભિનેત્રીનું નામ આ લિસ્ટમાં જોડાય ગયું છે. અભિનેત્રીએ પોતે જ ફોટો શેર કરીને આ વાતની જાણકારી તેના ફેન્સને આપી છે. બોલીવુડની અભિનેત્રી બિપાશા બસુ જલ્દી જ મા બનવા જઈ રહી છે. આ પહેલા પણ ખબર સામે આવી હતી કે બિપાશા જલ્દી જ તેના પહેલા બાળકને જન્મ આપવા જઈ રહી છે પણ એ વાતની કોઈ પુષ્ટિ મળી નહતી.
હવે ત્રણ થવા જઈ રહ્યા છીએ
હાલ અભિનેત્રી બિપાશા બસુએ તેના પતિ કરણ સિંહ ગ્રોવર સાથે સોશ્યલ મીડિયા પર એક તસવીર શેર કરી છે અને તેના પ્રેગ્નેન્સીની ખુશખબરી લોકો સાથે શેર કરી છે. તસવીરો શેર કરતાં જ કેપ્શનમાં લખ્યું છે કે, ' એક નવો સમય, એક નવો પડાવ, એક નાવી રોશની જે અમારા જીવનના એક ખાસ શેડ સાથે અમને જોડે છે. પહેલાની તુલનામાં એ અમને વધુ પૂર્ણ બનાવશે. અમે અમારા જીવનની શરૂઆત અલગ રીતે કરી હતી અમે એક બીજાને મળ્યા હતા ત્યારે અમે બે હતા અને હવે ત્રણ થવા જઈ રહ્યા છીએ.'
વર્ષ 2016માં કર્યા હતા લગ્ન
તમને જણાવી દઈએ કે બિપાશા અને કરણના લગ્ન 30 એપ્રિલ 2016ના રોજ થયા હતા અને બંનેની પહેલી મુલાકાત ફિલ્મ અલોનના સેટ પર થઈ હતી. એ સમયે બંને એકબીજાને પસંદ કરવા લાગ્યા હતા અને બંનેએ તેના સંબંધથી આગળ આવીને લગ્ન કરવાની નિર્ણય કર્યો હતો.
કરણના ત્રીજા લગ્ન
તમને જણાવી દઈએ કે આ બિપાશાના પહેલા લગ્ન હતા પણ કરણના ત્રીજા લગ્ન હતા. કરણે વર્ષ 2008માં અભિનેત્રી શ્રધ્ધા નિગમ સાથે લગ્ન કર્યા હતા અને 10 મહિના પછી ડિવોર્સ આપી દીધા હતા/ એ પછી વર્ષ 2012માં જેનિફર વીંગેટ સાથે લગ્ન કર્યા હતા અને 2014માં બંનેના ડિવોર્સ થઈ ગયા હતા. એ પછી 2016માં તેને બિપાશા સાથે લગ્ન કર્યા હતા.