બાયોપિક / ધોની બાદ હવે આ ધુંઆધાર ક્રિકેટર પર બનશે બાયોપિક, પ્યાર કા પંચનામાના ડિરેક્ટર બનાવશે ફિલ્મ

• મહેન્દ્ર સિંહ ધોની બાદ હવે ક્રિકેટર સૌરવ ગાંગુલી પર બનશે બાયોપિક
• બાયોપિકનું નિર્માણ લવ રંજન અને અંકુર ગર્ગ કરશે
• સૌરવ ગાંગુલીને દાદાના નામથી ઓળખાય છે

દાદા સૌરવ ગાંગુલીની બાયોપિક બનશે

ફિલ્મ અંગે જાહેરાત કરતા લવ ફિલ્મના ઈન્સ્ટાગ્રામ પર લખ્યું, આ જણાવતા અમને આનંદ થાય છે કે દાદા સૌરવ ગાંગુલીની બાયોપિકને લવ ફિલ્મ પ્રોડ્યુસ કરશે. કેપ્શનમાં લખવામાં આવ્યું, ગેમ ઓન. સૌરવ ગાંગુલી કે જેને દાદાના નામથી ઓળખવામાં આવે છે. દરેકના દિલમાં તેમની એક ખાસ જગ્યા છે, જે ક્રિકેટ માટે ધડકે છે. એક ક્રિકેટર તરીકે 90ના દાયકાથી લઈને અત્યાર સુધી ભારતીય ક્રિકેટ કંટ્રોલ બોર્ડના અધ્યક્ષ સુધીની સફર. સૌરવ ગાંગુલીને આંતરરાષ્ટ્રીય રેકોર્ડ માટે પણ ઓળખવામાં આવે છે. રૂપેરી પડદે તેમની બાયોપિક જોવી ખૂબ જ રોમાંચક રહેશે.

Cricket has been my life, it gave confidence and ability to walk forward with my head held high, a journey to be cherished.
Thrilled that Luv Films will produce a biopic on my journey and bring it to life for the big screen 🏏🎥@LuvFilms @luv_ranjan @gargankur @DasSanjay1812

— Sourav Ganguly (@SGanguly99) September 9, 2021

લવ ફિલ્મ કરશે પ્રોડ્યુસ

ઉલ્લેખનીય છે કે, લવ ફિલ્મસે સોનુના ટીટૂની સ્વીટી, દે દે પ્યાર દે, મલંગ અને છલાંગ જેવી સફળ ફિલ્મોનું નિર્માણ કર્યુ છે. તેમની આગામી ફિલ્મોમાં રણબીર કપૂર અને શ્રદ્ધા કપૂર અભિનીત લવ રંજનના નિર્દેશનમાં બની રહેલી કુત્તે અને ઉફ્ફ સામેલ છે.