દવા ફર્મ બાયોલોજિકલ ઈ. લિમિટેડે સોમવારે કહ્યું કે, તેણે પોતાની કોવિડ 19 વેક્સિન કોર્બેવૈક્સની કિંમતમાં ઘટાડો કરવાની જાહેરાત કરી છે. જોઈ લો હવે કેટલા રૂપિયામાં મળશે આ વેક્સિન.
દવા ફર્મ બાયોલોજિકલે વેક્સિના ભાવ ઘટાડ્યા
કોવિડ વેક્સિનની ભાવ નીચે આવ્યા
કોર્બેવૈક્સની કિંમતમાં કર્યો મોટો ઘટાડો
દવા ફર્મ બાયોલોજિકલ ઈ. લિમિટેડે સોમવારે કહ્યું કે, તેણે પોતાની કોવિડ 19 વેક્સિન કોર્બેવૈક્સની કિંમત 840 રૂપિયાથી ઘટાડીને 250 રૂપિયા કરી દીધી છે. આ કિંમતમાં જીએસટી પણ સામેલ છે. કંપનીએ પોતાના નિવેદનમાં કહ્યું કે, તેને લઈને અંતિમ ઉપયોગકર્તાને કર અને રસી લગાવાની ફીસમાં પ્રતિ ડોઝે 400 રૂપિયાનું ચૂકવણી કરવાની રહેશે. આ અગાઉ ખાનગી રસીકરણ કેન્દ્ર પર અંતિમ ઉપયોગકર્તા માટે કુલ કિંમત 990 રૂપિયા પ્રતિ ડોઝ હતી.
આ વર્ષે માર્ચમાં જ્યારે દેશમાં કોવિડ 19થી બચવા માટે 12થી 14 વર્ષના બાળકોને રસીકરણ આપવાનું શરૂ થયું તો કોર્બેવૈક્સ વેક્સિનનો ઉપયોગ કર્યો અને સરકારી રસીકરણ કાર્યક્રમ અંતર્ગત તેની કિંમત 145 રૂપિયા નક્કી કરવામાં આવી હતી.
આ અગાઉ સીરમ ઈંડિયાના સીઈઓ અદાર પૂનાવાલાએ રસીના ભાવ ઘટાડવાનો નિર્ણય કર્યો હતો, તેમણે ટ્વિટ કરતા કહ્યું હતું કે, અમને એ જણાવતા અત્યંત ખુશી થાય છે કે, સરકાર સાથે ચર્ચા કર્યા બાદ ખાનગી હોસ્પિટલોમાં કોવિશીલ્ડના પ્રતિ ડોઝની કિંમત 600 રૂપિયાથી ઘટાડીને 225 રૂપિયા કરવાનો નિર્ણય કર્યો છે.
તો વળી ભારત બાયોટેકેના આ સહ સંસ્થાપક અને સંયુક્ત મેનેજમેન્ટના નિર્દેશક સુચિત્રા ઈલાએ વેક્સિનની કિમત ઘટાડવાની જાહેરાત કરી હતી. તેમણે કહ્યું હતું કે, તેના માટે અમે સરકાર સાથે વાક કરીને 1200 રૂપિયા પ્રતિ ડોઝથી ઘટાડીને 225 રૂપિયા કરવાનો નિર્ણય કર્યો છે.