16 વર્ષીય એક યુટ્યુબર યુવતી ઘરેથી માતા પિતાએ ઠપકો આપતા ગુમ થઇ ગઈ હતી ત્યારે આજે પોલીસે તેને શોધી કાઢી હતી.
16 વર્ષીય યુવાન યુટ્યુબર ઘરેથી ભાગી હતી
મધ્યપ્રદેશના ઈટારસીમાંથી મળી આવી યુવતી
બિન્દાસ કાવ્યા કરીને યુટ્યુબ ચેનલ ચલાવે છે
આખરે પોલીસને મહારાષ્ટ્રના ઔરંગાબાદ જિલ્લામાંથી ગુમ થયેલો એક યુવાન યુટ્યુબર મળી આવી છે. 16 વર્ષીય યૂટ્યૂબરને મધ્યપ્રદેશના ઈટારસીમાંથી શોધી કાઢવામાં આવી હતી. એવું કહેવામાં આવે છે કે યુવતીના માતાપિતાએ તેને કોઈ બાબતે ઠપકો આપ્યો હતો. આ વાતથી ગુસ્સે થઈને કિશોરી ઘર છોડીને જતી રહી હતી. તેના આ પગલાથી પરિવાર અને પરિવારના અન્ય સભ્યો ખૂબ જ નારાજ થયા હતા. પોલીસને પોતાનો રિપોર્ટ આપવાની સાથે સોશિયલ મીડિયા પર એક પોસ્ટ શેર કરીને ગુમ થયેલા યુટ્યુબરને શોધવાની વિનંતી કરી હતી. આખરે રેલવે પોલીસને મશહૂર યુટ્યુબર શોધીને તેના માતા-પિતાને સોંપી દીધી હતી.
પોલીસે તપાસ હાથ ધરી હતી
જાણકારી અનુસાર ઔરંગાબાદ (મહારાષ્ટ્ર)માં એક 16 વર્ષીય યુટ્યુબર ગુમ થયાની જાણ થઈ હતી. ત્યાર બાદ તેમની શોધખોળ શરૂ કરવામાં આવી હતી. રેલવે પોલીસને યૂટ્યૂબરની તસવીર પણ આપવામાં આવી હતી, જેથી તેમને શોધવામાં સરળતા રહે. આ પછી રેલવે પોલીસે પણ તેમની શોધખોળ શરૂ કરી હતી. રેલવે પોલીસને ઔરંગાબાદથી લગભગ 500 કિમી દૂર મધ્યપ્રદેશના ઇટારસીમાંથી યુવાન યુટ્યુબર મળી આવી હતી. ઈટારસી રેલવે જંકશન પર રેલવે પોલીસે સઘન સર્ચ ઓપરેશન હાથ ધર્યું હતું. આ દરમિયાન કિશોરી કુશીનગર એક્સપ્રેસ ટ્રેનના સ્લીપર કોચમાંથી મળી આવી હતી.
બિન્દાસ કાવ્યા કરીને યુટ્યુબ ચેનલ
ઇટારસી રેલવે જંક્શન પર તૈનાત જીઆરપીના સબ-ઇન્સ્પેક્ટર વિભેન્દુ વેંકટેશ ટંડિયાએ જણાવ્યું હતું કે ટીનેજર 'બિન્દાસ કાવ્યા'ના નામે યુટ્યુબ ચેનલ ચલાવે છે. તેની લોકપ્રિયતાનો અંદાજ એ વાતથી લગાવી શકાય છે કે યુટ્યુબ ચેનલ પર તેના 44 લાખ ફોલોઅર્સ છે. તેણે જણાવ્યું કે, કિશોરીની શોધ કર્યા બાદ તેમને તેના માતા-પિતાને સોંપી દેવામાં આવી હતી.
કિશોરી ઔરંગાબાદમાં રહે છે
રોષે ભરાયેલી કિશોરીને તેના માતા-પિતાએ કોઇ બાબતે ઠપકો આપ્યો હોવાનું કહેવાય છે. આ વાતથી ગુસ્સે થઈને કિશોરી ઘર છોડીને જતી રહી હતી. તેનું ઘર ઔરંગાબાદ કેન્ટોનમેન્ટ પોલીસ સ્ટેશન વિસ્તારમાં આવે છે. કિશોરી ગૂમ થયાની માહિતી બાદ રેલવે પોલીસે પણ શોધખોળ શરૂ કરી હતી. કિશોરી જે ટ્રેનમાંથી મળી આવી હતી તે ટ્રેન ભુસાવળથી આવી રહી હતી.