તાજેતરમાં ગૌણ સેવા પસંદગી મંડળ દ્વારા લેવાયેલી બિનસચિવાલયની પરિક્ષાના ડોક્યુમેન્ટ વેરિફિકેશન માટે ટૂંક સમયમાં યાદી જાહેર કરાશે.
બિનસચિવાલય પરિક્ષાને લઇ મોટા સમાચાર
ડોક્યુમેન્ટ વેરિફિકેશન માટે ચાલુ મહિનાના અંત સુધીમાં યાદી થશે જાહેર
ગૌણ સેવા પસંદગી બોર્ડના અધ્યક્ષે આપી માહિતી
ગૌણ સેવા પસંદગી મંડળ દ્વારા તાજેતરના લેવાયેલી બિનસચિવાલયની પરિક્ષાને લઇ મોટા સમાચાર સામે આવ્યા છે. આ અંગે ડોક્યુમેન્ટ વેરિફિકેશન માટેની યાદીને લઈને ઉમેદવારો આતુરતાથી રાહ જોઈ રહ્યા છે. ત્યારે લેખિત પરીક્ષા અને કોમ્પ્યુટર ટેસ્ટ બાદ સફળ થયેલા ઉમેદવારોની ડોક્યુમેન્ટ વેરિફિકેશન માટેની યાદી થોડા સમયમાં જાહેર કરવામાં આવે તેવું જાણવા મળી રહ્યું છે. આ અંગેની સત્તાવાર યાદી ગૌણ સેવા પસંદગી બોર્ડ દ્વારા ચાલુ મહિનાના અંત સુધીમાં જાહેર કરી દેવામાં આવશે.બિન-સચિવાલય કારકુન યાદી આ મહિનાના અંત સુધીમાં પ્રકાશિત કરવામાં આવશે. તેમ ગૌણ સેવા પસંદગી બોર્ડના અધ્યક્ષ એ.કે. રાકેશે ટ્વીટ કરી માહિતી આપી હતી.
150 - Binsachivalay Clerk DV list will be published latest by the end of this month.
રાજ્યમાં ગત 24 એપ્રિલના રોજ બિન સચિવાલય ક્લાર્કની પરીક્ષા યોજાઈ હતી. જેમાં રાજ્યના 32 જિલ્લામાં 3243 કેન્દ્રો ઉપર પરીક્ષા યોજાઈ હતી. 2018માં જાહેર કરાયેલી આ ભરતી પ્રક્રિયાની પરીક્ષા બે વખત રદ કરવામાં આવી હતી અને એક વખત મોકુફ કરવામાં આવી હતી. ત્યારબાદ યોજાયેલી પરીક્ષા માં 10 લાખથી વધુ ઉમેદવારોએ પરીક્ષા આપી હતી.
12000 ઉમેદવારોનું લિસ્ટ જાહેર કરવામાં આવ્યું હતું.
બિન સચિવાલય સેવા કારકુન અને ઓફિસ આસિસ્ટન્ટ, વર્ગ-3 સંવર્ગની પ્રથમ તબક્કાની સ્પર્ધાત્મક લેખિત પરીક્ષા ભાગ-1 યોજાઈ હતી.ત્યારબાદ GSSSB બિન સચિવાલય ક્લાર્કની લેખિત પરીક્ષાનું ક્લાર્ક ભરતીના ઉમેદવારોની યાદી જૂન માસમાં જાહેર કારાઈ હતી.જેમાં 3901 જગ્યા માટે 12000 ઉમેદવારોનું લિસ્ટ જાહેર કરવામાં આવ્યું હતું. આ સ્પર્ધાત્મક લેખિત કસોટીના અંતે કેટેગરી વાઇઝ ભરવાની થતી જગ્યાના આશરે ત્રણ ગણા ઉમેદવારો(40 ટકા લઘુમત લાયકી ગુણની મર્યાદામાં)ને બીજા તબક્કાની કોમ્પ્યુટર પ્રોફિસીયન્સી ટેસ્ટ માટે લાયક(ક્વોલિફાય) ગણવામાં આવેલ છે. જુલાઈ માસમાં કોમ્પ્યૂટરની પરીક્ષા લેવાઈ હતી.