બિન સચિવાલય કૌભાંડ / વિદ્યાર્થીઓ વતી VTVના આ પ્રશ્નોના સરકાર જવાબ આપશે તો જ પરીક્ષાર્થીઓને ન્યાય મળશે

• બિન સચિવાલય ગેરરીતિ મામલો
• VTV ના સરકારને 20 સવાલ 

આ ઘટનાને લઇને વિદ્યાર્થીઓ દ્વારા ગૌણ સેવા મંડળને રજૂઆત કરવામાં આવતા વિદ્યાર્થીઓની રજુઆતને ધ્યાને લેવામાં આવી નહોંતી. અંતે રાજ્યના વિદ્યાર્થીઓએ પાટનગર ગાંધીનગર ખાતે આજરોજ આંદોલન કરવાનું નક્કી કર્યું અને રસ્તા પર ઉતરી આવતા ગાંધીનગર પોલીસ છાવણીમાં ફેરવાયું હતું. આ આંદોલનમાં ગુજરાત કોંગ્રેસ પણ વિદ્યાર્થીઓની વ્હારે આવ્યું હતું. 

VTV દ્વારા પણ સરકારને 20 સવાલ 

નોંધનીય છે કે, રાજ્યમાં યોજાતી સરકારી પરીક્ષામાં જ વારંવાર ગેરરીતિની ફરિયાદો ઉઠતી હોવા છતાં રૂપાણી સરકાર દ્વારા ક્યાં કારણોસર કડક પગલા લઇને કાર્યવાહી કરવામાં આવતી નથી તેને લઇને કેટલાક સવાલ ઉભા થાય છે. ગાંધીનગર ખાતે યોજાયેલા ધરણા કાર્યક્રમ વચ્ચે VTV દ્વારા પણ સરકારને 20 સવાલોના જવાબો માંગી રહી છે.

VTV ના સરકારને 20 સવાલ 

1. પેપર ફુટવાની વાતને ગૌણ સેવા પસંદગી મંડળે કેમ ગંભીરતાથી ન લીધી?
2. કેમ વીડિયો આપનારા વિદ્યાર્થીનું તમે નિવેદન ન લીધું?
3. ભાવનગરમાં શંકાસ્પદ રીતે ગાડીઓ દોડી તેની તપાસ કેમ ન કરી?
4. જે વીડિયો તમને વિદ્યાર્થીઓએ આપ્યા છે તેની FSLમાં તપાસ કેમ નથી કરતા?
5. સુપરવાઈઝરે ચોરી જોઈ છતાં રોકી નહી તેના પર તમે શું પગલા લીધા?
6. જે કેન્દ્રમાં ચોરી થઈ તેના સંચાલકની સામે તમને ગુનો દાખલ કરતા કોણે રોક્યા?
7. જે વિદ્યાર્થીઓએ ચોરી કરી તેને પકડતા તમને કોણ રોકી રહ્યું છે?
8. વીડિયોમાં દેખાય છે કે વિદ્યાર્થી ચોરી કરે છે તો એ વિદ્યાર્થી પકડાય કેમ નહી?
9. શું વીડિયોમાં ચોરી કરનારા વિદ્યાર્થીઓ 'ઘોસ્ટ' હતા?
10. પરીક્ષા કેન્દ્રના CCTV વીડિયો તમને મળ્યા છે તો તેની FSL તપાસ કેમ ન કરી?
11. યુવાનોએ આપેલા પુરાવાઓ સમય સાથે હતા તો પુરાવા ખોટાનું રટણ કેમ કર્યું?
12. શું જ્યાં પેપર પ્રીન્ટ કરાવ્યા હતા તે પ્રીન્ટર્સને પકડીને સવાલો પૂછ્યા ખરા?
13. પ્રીન્ટર્સ પાસેથી પેપર લીક થયું છે કે નહી તેની તપાસ કેમ ન થઈ?
14. ખરેખર પેપર ક્યાંથી ફુટ્યું છે તેની તળિયા સુધીની તપાસ કરતા કોણ રોકે છે?
15. પેપરના સીલ કેમ તૂટેલા હતા તેની ઉંડી તપાસ કેમ ન થઈ?
16. જ્યારે પેપરના સીલ તૂટેલા હોય તો ક્યા સ્તરે આ કામ થયું તેની તપાસ કેમ નહી?
17. પેપરનું સીલ ગાંધીનગરથી તૂટેલું આવ્યું કે સુપરવાઈઝરના સ્તરે તૂટ્યું?
18. તમારે શોધવાના પુરાવાઓ તમને યુવાનોએ લાવી આપ્યા તો એ સાચા કે ખોટા?
19. મોટો સવાલ એ છે કે ગૌણ સેવા પસંદગી મંડળે હજુ સુધી ફરિયાદ કેમ ન નોંધાવી?
20. જ્યાં સુધી વિદ્યાર્થીઓ રસ્તા પર ન ઉતરે ત્યાં સુધી ગંભીરતા ન લેવા કોણ કહ્યું?