બિનસચિવાલય ક્લાર્કની પરીક્ષા વધુ એકવાર વિવાદમાં આવી છે. ત્યારે આજે ગાંધીનગરમા વિદ્યાર્થાીઓએ કલેકટરને આવેદનપત્ર આપીને વિરોધ કર્યો છે. તો બીજી તરફ આ પરીક્ષામાં સુરેન્દ્રનગરમાં ગેરરીતિ થઇ હોવાના કોંગ્રેસે પુરાવા રજૂ કર્યા છે. કોંગ્રેસે બે સ્કૂલના CCTV જાહેર કર્યા છે. આ મામલે ભાજપ-કોંગ્રેસ આમને સામને આવ્યા છે.
વિદ્યાર્થીના હિતમાં જે પગલા લેવા પડશે તે લેવાશેઃ ભાજપ
કોંગ્રેસે આમા બોલાવાનો કોઈ અધિકાર નથીઃ ભાજપ
બિન-સચિવાલય ક્લાર્ક અને ઓફિસ આસિસ્ટન્ટની પરીક્ષામાં ગેરરીતિ થઈ હોવાના આક્ષેપ બાદ હોબાળો મચી ગયો છે. ત્યારે આ મામલે ગુજરાત ગૌણ સેવા પસંદગી મંડળના ચેરમેન અસિત વોરા પ્રેસ કોન્ફરન્સ કરી હતી. તો કોંગ્રેસે અસિત વોરાના નિવેદન પર પ્રતિક્રિયા આપી હતી.
દેશનું સૌથી મોટું ગુજરાતમાં ભરતી કૌભાંડઃ અમિત ચાવડા
બિન સચિવાલયની પરીક્ષામાં થયેલી ગેરરીતિના કોંગ્રેસ દ્વારા પુરાવા રજૂ કરવામાં આવ્યા છે. ત્યારે કોંગ્રેસ પ્રદેશ પ્રમુખ અમિત ચાવડાએ વીટીવી સાથે વાત કરતા જણાવ્યુ છે કે, દેશનું સૌથી મોટું ગુજરાતમાં ભરતીનું કૌભાંડ થયુ છે. છેલ્લા વર્ષમાં લેવામાં આવેલી 11 જેટલી પરીક્ષાઓમાં કૌભાંડ આચરવામાં આવ્યું છે. ન્યાયિક તપાસ થયા બાદ જ પરીક્ષાનું પરિણામ જાહેર કરવાની કોંગ્રેસે માગ કરી છે. સાથે જ કૌભાંડ આચરનારને જેલના સળીયા પાછળ ધકેલવાની માગ કરાઈ છે.
પરીક્ષા રદ કરવાનો નિર્ણય પણ તથ્યો તપાસ્યા બાદ જ કરવામાં આવશેઃ ગુજરાત ગૌણ સેવા પસંદગી મંડળના ચેરમેન અસિત વોરા
ગુજરાત ગૌણ સેવા પસંદગી મંડળના ચેરમેન અસિત વોરાએ કહ્યું કે, અમે ગેરરીતીની તપાસ કરીશું. CCTV ફૂટેજ ચેક કર્યા બાદ જ નક્કી થશે કે શું કરવું. તેમજ પરીક્ષા રદ કરવાનો નિર્ણય પણ તથ્યો તપાસ્યા બાદ જ કરવામાં આવશે. અમે સુપરવાઈઝર્સની ઉલટ તપાસ કરી છે. શંકાસ્પદ હશે એમને બોલાવીશું. મંડળ પાસે કેન્દ્રોના રેકોર્ડિંગ આવશે પછી તપાસ કરીશું. આમ, અસિત વોરાએ સતત તપાસ અને તપાસના જ ગાણા ગાયા હતા.
પરીક્ષાઓમાં મોટાપાયે ગેરરીતિ, અસિત વોરા હકિકત છુપાવી રહ્યા છેઃ કોંગ્રેસ
અસિત વોરાના નિવેદન પર કોંગ્રેસે પ્રતિક્રિયા આપી હતી. કોંગ્રેસે કહ્યું હતું કે, પરીક્ષાઓમાં મોટાપાયે ગેરરીતિ થઈ છે. અસિત વોરા હકિકત છુપાવી રહ્યા છે. મુખ્ય સચિવ જુદી વાત કરે છે. અસિત વોરાએ રાજીનામુ આપી દેવુ જોઈએ. અસિતભાઈ વોરા પાસે આવી અપેક્ષા નહતી. સરકાર તપાસનુ નાટક કરે છે. અધ્યક્ષ કહે છે આવી ઘટના પહેલી વાર બની છે. આવા ઘણા કૌભાંડો સામે આવ્યા છે. મોટાભાગના સેન્ટરોમાં ગૂંચવણ કરાઈ છે. પોતાના મળતીયાઓને ગોઠવવા ચૂંટવણ કરાઈ. પૂરાવાનો નાશ કરવા પ્રયત્ન કરાઈ રહ્યા છે. ગુજરાતના યુવાનોના ભવિષ્ય સાથે ચેડા ન કરો. તટસ્થ તપાસ થયા તો મોટા માથાના નામ બહાર આવશે.
સમગ્ર મામલે તપાસ કર્યા બાદ પગલા લેવામાં આવશેઃ ભાજપ
આ મામલે ભાજપના પ્રવક્તા પ્રશાંત વાળાએ નિવેદન આપ્યુ છે કે, સમગ્ર મામલે તપાસ કર્યા બાદ પગલા લેવામાં આવશે. વિદ્યાર્થીઓના હિતમાં સરકાર દ્વારા પગલા લેવામાં આવશે. આ મુદ્દે કોંગ્રેસને બોલવાનો કોઈ અધિકાર નથી. કોંગ્રેસના શાસનમાં રૂપિયાથી જ કામ થતા હતા. રૂપિયા આપ્યા વગર કોઈને સરકાર નોકરી મળતી ન હતી. ત્યારે હવે કોંગ્રેસ દ્વારા આક્ષેપ કરવામાં આવ્યા છે. CCTV જાહેર કરવામાં આવ્યા છે. કોંગ્રેસે જાહેર કરેલા CCTV અંગે તપાસ કરવામાં આવશે. આ CCTV ક્યાના છે તે અંગે સરકાર દ્વારા તપાસ કરાશે.
ત્યારે અનેક સવાલો થાય છે કે, વિદ્યાર્થીઓના ભાવિ સાથે ચેડા થાય છે છતા તપાસનું જ રટણ કરો છો ? કેટલી જગ્યાએ CCTV ફૂટેજ હતા તેની માહિતી જ ઉપલબ્ધ નથી ? ઢગલાબંધ પુરાવાઓ છે છતા તમે કહો છો કે તપાસ કરીશું ? કોંગ્રેસ પાસે વીડિયો ફૂટેજ આવી જતા હોય તો સત્તામાં રહેલી સરકાર શું કરે છે? જે તે કેન્દ્ર પરથી બીજા દિવસે જ DVD કેમ ન મળી જાય ? સેંકડો વિદ્યાર્થીઓએ ફરિયાદ કરી છતા નિંભરની જેમ જવાબ આપો છો ?